4. Mojžišoskro 4:5 - Le Devleskero Lav Andre Romaňi Čhib Slovensko 2021

⁵ Sar ela o časos te sthovel o taboris, o Aron the leskre čhave avena andro Svetostankos, lena tele o andruno pochtan a zaučharena leha e archa la zmluvakri.

4. Mojžišoskro 4:5 Iomraidhean Croise

1. Kronicko 15:15

O Leviti ľigenenas e archa le Devleskri le dručkenca pro phiko, avke sar o Mojžiš prikazinďa prekal le RAJESKRO lav.

1. Kronicko 23:26

Vašoda o Leviti imar buter na mušinen te hordinel o sveto stanos the o veci pre služba.“

2. Kronicko 3:14

O pochtan andro Chramos anglo Neksveteder than kerďa le belave, lole the fijalove pochtanestar a diňa upre te sivel le cheruben.

2. Mojžišoskro 36:35

Mek kerde the o pochtan la fijalova, ľoľa the purpurova vlnatar the le sane side pochtanestar a o majstros siďa avri cheruben pro pochtan.

2. Mojžišoskro 40:3

Ode thov e archa la zmluvakri a figin angle late o pochtan.

2. Mojžišoskro 40:5

O somnakuno kaďidloskro oltaris thov anglo pochtan angle archa a the paš o vudar anglo Svetostankos figin o pochtan.

Izajaš 25:7

Pre kada verchos zňičinela e lepeda, savi pačarel andre savore manušen, e deka, savi učharel andre savore naroden.

3. Mojžišoskro 16:2

O RAJ phenďa le Mojžišoske: „Phen tire phraleske le Aronoske, hoj te na avel ča kana kamel andro Neksveteder than pal o pochtan anglo kritos, so hin pre archa la zmluvakri, hoj te na merel, bo me man sikavava upral oda kritos andre chmara.

4. Mojžišoskro 10:14

O partiji andral o taboris le Judaskre kmeňostar džanas ešebna pal peskri zastava. Lengro vodcas sas o Nachšon, le Aminadaboskro čhavo.

4. Mojžišoskro 4:15

Sar o Aron the leskre čhave savoro učharena andre a sar kampela o taboris te prethovel avrether, avela le Kohatoskri fajta, hoj oda te ľidžal, ale našťi pes chuden le svete vecendar, hoj te na meren. Kada kerena on paš o Svetostankos, sar pes prethovela o taboris.

4. Mojžišoskro 4:4

Lengri služba ela, hoj pes te starinen pal o sveta veci andro Svetostankos.

4. Mojžišoskro 7:9

Le Kohaten na dine olestar ňič, bo on pes starinenas pal o sveta veci, save kampelas te hordinel pro phike.

Matuš 27:51

Akor o pochtan, so sas figimen andro chramos, phariľa pro jepaš uprunestar dži tele, e phuv razisaľolas a o skali pharonas.

5. Mojžišoskro 31:9

Avke o Mojžiš pisinďa kada zakonos le Devleskro a diňa les le levitske rašajenge, save ľidžanas e archa le RAJESKRA zmluvakri, the savore izraelike vodcenge.

Židenge 10:20

pal o nevo the džido drom, so amenge otkerďa prekal o pochtan, so hin leskro ťelos

Židenge 9:3

Pal o dujto pochtan sas o than, so pes vičinelas o Neksveteder than,

1. Samueloskro 6:19

O RAJ murdarďa varesave muršen andral o Bet-Šemeš vaš oda, hoj dikhle andre le RAJESKRI archa. Penda ezera (50 000) manušendar mule eftavardeš (70). O manuša rovenas, hoj len o RAJ avke zorales marďa.