4. Mojžišoskro 16:3 - Le Devleskero Lav Andre Romaňi Čhib Slovensko 2021

³ Gele anglo Mojžiš the anglo Aron a phende lenge: „Zageľan imar igen dur! Se savore amare manuša hine sveta a the amenca hino o RAJ. Soske tumen hazden upral o manuša le RAJESKRE?“

4. Mojžišoskro 16:3 Iomraidhean Croise

Ezdraš 9:2

Ale ile peske romňijen andral kala narodi, the peskre čhavenge, a avke mišinde le Devleskre svete manušen le cudzincenca. A amare vodci the anglune manuša kada binos kerde ešebna.“

Žalmi 106:16

Andro taboris zavidzinenas le Mojžišoske the le Aronoske, le RAJESKRE svete rašaske.

Žalmi 68:17

Ó, tumen, verchale le but šťitenca! Soske dikhen choľaha pro verchos, kaj kamel o Del te bešel? O RAJ ode čačes bešela pro furt!

2. Mojžišoskro 19:6

o kraľišagos le rašajengro a o sveto narodos.‘ Kada pheneha le Izraelitenge.“

4. Mojžišoskro 14:14

a on oda dena te džanel le manušenge, save bešen andre odi phuv. On imar šunde, hoj tu, RAJEJA, sal maškar kala manuša a hoj lenge diňal te dikhel tut le jakhenca. Šunde, hoj tiri chmara ačhel upral kala manuša, hoj dživese džas angle lende andre chmara a rači andro jagalo slupos.

4. Mojžišoskro 16:11

Aleha sikaďal tu the caľi tiri partija, hoj pes vzburinďan pro RAJ. Ko hin o Aron, hoj reptinen pre leste?“

4. Mojžišoskro 16:7

thoven andre o jagale angara the o kaďidlos a tajsa oda anen anglo RAJ. Kas peske o RAJ kidela avri, oda ela sveto. Levitale, tumen zageľan imar igen dur!“

4. Mojžišoskro 23:21

Na dičhol andro Jakob ňisavo trapišagos, aňi na dikhav o pharipen andro Izrael. O RAJ, leskro Del, hino leha. Ov vičinel radišagoha peskre kraľiske.

4. Mojžišoskro 35:34

Ma meľaren le rateha e phuv, andre savi bešen a andre savi bešav the me, bo me, o RAJ, bešav maškar tumende.‘ “

4. Mojžišoskro 5:3

Traden len avri andral o taboris, či muršes vaj džuvľa, hoj te na meľaren o taboris, kaj me bešav maškar mire manuša.“

Skutki 7:39

Ale amare dada les na kamenas te šunel, odčhide les a visarde pes pale le jilenca andro Egipt.

Skutki 7:51

Tumen zacata manušale! O jile tumende hin zaphandle a na šunen pro kana! Tumen furt džan pro Sveto Duchos avke sar the tumare dada!