3. Mojžišoskro 5:6 - Le Devleskero Lav Andre Romaňi Čhib Slovensko 2021

⁶ Mi anel le RAJESKE e obeta vaš o binos, so kerďa, la samica le stadostar – či le bakrorendar abo le kozendar. Kavke o rašaj la obetaha počinela vaš ole manušeskro binos.

3. Mojžišoskro 5:6 Iomraidhean Croise

Ezechiel 40:39

Andre chodbica le khereskri sas duj skaminda pal jekh sera a duj skaminda pal e dujto sera. Pre ola skaminda murdarenas o labarde obeti, o obeti vaš o binos the o obeti vaš e vina.

Ezechiel 42:13

Paľis mange oda murš phenďa: „Kadi severno budova the južno budova, save hine oproti la andruňa dvorake, hine sveta. Ode chana o rašaja, so aven te služinel paš o RAJ, o neksveteder dari. Ode thovena o neksveteder dari: e chabeneskri obeta, e obeta vaš o binos the e obeta vaš e vina, bo kada than hino sveto.

Ezechiel 44:27

a pre oda džives, sar avela pale pre andruňi dvora le Chramoskri, hoj te služinel andre svetiňa, mušinela te anel e obeta vaš peskro binos, phenel o RAJ, o Adonaj.

3. Mojžišoskro 4:20

Kale bikoha kerela avke, sar kerďa ole bikoha pre obeta vaš o binos. Kavke kerela o rašaj e obeta, savaha pes počinela vaš ole manušengro binos, a ela lenge odmuklo.

3. Mojžišoskro 4:28

Sar pes dodžanela pal peskro binos, anela jekha koza bi e chiba pre obeta vaš o binos, so kerďa.

3. Mojžišoskro 4:31

Paľis pal e koza čhinela tele savoro žiros avke sar o žiros pal e smiromoskri obeta a o rašaj oda labarela pro oltaris sar obeta, so šukares voňinel le RAJESKE. Kavke kerela o rašaj e obeta pro zmjereňje vaš o binos ole manušeskro a ela leske odmuklo.

3. Mojžišoskro 4:32

Te kamela te anel pre obeta vaš o binos le bakrorendar, anela jekha samica bi e chiba.

3. Mojžišoskro 4:35

Paľis čhinela avri savoro lakro žiros avke, sar pes oda kerel le bakrane žiroha paš e smiromoskri obeta, a labarela oda pro oltaris sar e jagaľi obeta le RAJESKE. Kavke kerela o rašaj vaš o binos ole manušeskro e obeta pro zmjereňje vaš leskro binos a ela leske odmuklo.‘ “

3. Mojžišoskro 6:6

E jag mušinel furt te labol pro oltaris, našťi murdaľol andre.‘ “

4. Mojžišoskro 6:12

Mušinela pes pale te oddel le RAJESKE sar Nazarejcos pro calo časos, bo o časos angloda pes leske imar na rachinela, bo na doľikerďa e nazarejsko vera. Paš oda anela jekheberšeskre bakres sar obeta vaš o binos.