3. Mojžišoskro 4:18 - Le Devleskero Lav Andre Romaňi Čhib Slovensko 2021

¹⁸ Makhela sikra le rateha the o rohi le kaďidloskre oltariskre, savo hino anglo RAJ andro Svetostankos. Oka rat, so ačhela le bikostar, čhivela avri telal paš o oltaris, kaj pes labarel o labarde obeti, savo hino paš o vudar paš o Svetostankos.

3. Mojžišoskro 4:18 Iomraidhean Croise

2. Kronicko 29:22

Akor o rašaja murdarde le biken, zachudle lengro rat a pokropinde o oltaris; paľis murdarde le baranen a the lengre rateha pokropinde o oltaris; paľis murdarde le bakroren a the lengre rateha pokropinde o oltaris.

2. Mojžišoskro 29:12

Ole bikostar le sikra rat a makh le angušteha o rohi pro oltaris. Čhiv avri o rat, so ačhela, telal paš o oltaris.

2. Mojžišoskro 30:10

Jekhvar andro berš o Aron obžužarela o oltaris avke, hoj pokropinela o štar rohi le džviroskre rateha, so sas obetimen vaš o bini pro zmjereňje. Kada kerela sako berš, pal savore tumare pokoleňja. Kada oltaris ela neksveteder prekal o RAJ.“

3. Mojžišoskro 4:25

O rašaj lela la obetatar sikra rat pro angušt a makhela o rohi le oltariskre, pre savo pes labarel o labarde obeti. Oka rat čhivela avri telal paš o oltaris.

3. Mojžišoskro 4:30

O rašaj lela pro angušt sikra rat la obetatar a makhela o rohi le oltariskre, pre savo pes labarel o labarde obeti. Oka rat čhivela avri telal paš o oltaris.

3. Mojžišoskro 4:34

O rašaj lela pro angušt sikra rat la obetatar vaš o binos a makhela o rohi le oltariskre, pre savo pes labarel o labarde obeti. Oka rat čhivela avri telal paš o oltaris.

3. Mojžišoskro 4:7

O rašaj makhela le rateha o rohi le oltariskre, pre savo pes labarel o voňavo kaďidlos, anglo RAJ andro Svetostankos. Oka rat, so ačhela le bikostar, čhivela avri telal paš o oltaris, kaj pes labarel o labarde obeti, savo hino paš o vudar paš o Svetostankos.

3. Mojžišoskro 5:9

Paľis lela sikra rat la obetatar vaš o binos a pokropinela e sera le oltariskri; oka rat mukela te čuľal avri telal paš o oltaris. Kada hin e obeta vaš o binos.

3. Mojžišoskro 8:15

O Mojžiš murdarďa le bikos, iľa o rat a le angušteha makhľa sikra pre savore agora le oltariskre a avke les obžužarďa. O rat, so ačhiľa, čhiďa telal paš o oltaris. Kavke les pošvecinďa, hoj pes te šaj upre obetinel vaš o binos.

3. Mojžišoskro 9:9

O čhave le Aronoskre leske ande o rat. Ov peske andre močinďa o angušt a sikra makhľa o agora pro oltaris, paľis čhiďa avri o rat telal paš o oltaris.