3. Mojžišoskro 3:3 - Le Devleskero Lav Andre Romaňi Čhib Slovensko 2021

³ Le smiromoskra obetatar anela le RAJESKE sar jagaľi obeta o žiros andral o per, savoro žiros, so hin pro andrune kotora,

3. Mojžišoskro 3:3 Iomraidhean Croise

Žalmi 119:70

Lengre jile hine zorale sar bar, ale me radisaľuvav andre tiro zakonos.

2. Mojžišoskro 29:13

Paľis le savoro žiros, so učharel leskre andrune kotora, o nekfeder kotor la pečinkatar the soduj ľadvini lengre žiroha, a kada savoro labar pro oltaris.

2. Mojžišoskro 29:22

Avke le o žiros le bakrestar, o žirošno chvostos, o žiros so zaučharel leskre andrune kotora, o nekfeder kotor la pečinkatar, soduj ľadvini le žiroha the e čači čang. Kada ela o bakroro pro posveťeňje.

Prislovja 23:26

De mange, čhavo miro, tiro jilo a tire jakha mištes mi dikhen pre mire droma,

Izajaš 6:10

Ker kale manušenge o jile zorale, zaker lenge o kana a phand lenge o jakha, hoj le jakhenca te na dikhen, le kanenca te na šunen a le jilenca te na achaľon, hoj pes te na visaren a te na sasťon avri.“

Ezechiel 36:26

Dava tumen nevo jilo a thovava andre tumende nevo duchos; lava avri oda baruno jilo andral tumaro ťelos a dava tumen jilo masestar.

Ezechiel 44:15

Ale o rašaja andral o kmeňos Levi, save hine andral o potomstvos le Cadokoskro, save stražinenas miri svetiňa, akor sar o Izraeliti mandar odgele, on šaj aven pašes ke ma, hoj mange te služinen; on ačhena anglal ma, hoj mange te obetinen o žiros the o rat, phenel o RAJ, o Adonaj.

3. Mojžišoskro 1:12

E obeta ela čhingerďi pro kotora a o rašaj len thovela jekhetane le šereha the le žiroha pro kašta, so labon pro oltaris.

3. Mojžišoskro 1:8

Paloda thovena pro kašta, so labon pro oltaris, o čhingerde kotora le džvirostar, o šero the o žiros.

3. Mojžišoskro 16:25

O žiros pal e obeta vaš o binos labarela pro oltaris.

3. Mojžišoskro 3:16

O rašaj oda labarela pro oltaris. Kada hin o chaben pre jagaľi obeta, so šukares voňinel. Savoro žiros hin le RAJESKRO.

3. Mojžišoskro 3:2

Thovela o vast pro šero le džviroske, saves anďa te obetinel, a murdarela les paš o vudar paš o Svetostankos. O rašaja, o čhave le Aronoskre, pokropinena leskre rateha o seri pro oltaris.

3. Mojžišoskro 3:4

soduj ľadvini le žiroha, so hin pre lende, the o lalokos la pečinkakro, so lela avri jekhetane le ľadvinenca.

3. Mojžišoskro 4:10

avke sar pes lel avri o žiros le bikostar pre smiromoskri obeta. O rašaj oda labarela pro oltaris, kaj pes labarel o labarde obeti.

3. Mojžišoskro 7:30

Peskre vastenca anela le RAJESKE e jagaľi obeta: o žiros jekhetane le hrudňikoha, so hazdela anglo RAJ, hoj te sikavel, hoj oda hin daros prekal leste.

3. Mojžišoskro 7:5

O rašaj oda labarela pro oltaris sar e jagaľi obeta le RAJESKE. Kada hin e obeta vaš e vina.

3. Mojžišoskro 9:10

O žiros, o ľadvini, the o lalokos la pečinkakro la obetatar vaš o binos labarďa pro oltaris, avke sar oda le Mojžišoske prikazinďa o RAJ.

Matuš 13:16

Ale bachtale hine tumare jakha, hoj dikhen, the tumare kana, hoj šunen.

Matuš 15:8

‚Kala nipi man lašaren le mujeha, ale lengro jilo hino mandar dur.

Rimanenge 5:5

A kadi naďej amenge šoha na ela pre ladž, bo o kamiben le Devleskro hino avričhido andre amare jile prekal o Sveto Duchos, savo amenge sas dino.

Rimanenge 6:6

Se džanas, hoj amaro purano manuš sas jekhetane leha ukrižimen, hoj te avel zňičimen o binošno ťelos, hoj imar buter te na avas otroka le binoske.

5. Mojžišoskro 30:6

O RAJ, tumaro Del, obrezinela tumare jile the o jile tumare potomkengre, hoj les te kamen cale jileha the caľa dušaha a avke te dživen.

1. Samueloskro 2:15

A mek paš oda; angloda, sar labarenas o žiros, avelas le rašaskro služobňikos a phenelas oleske, ko obetinelas: „De mange o mas, hoj les te pekav avri le rašaske. Bo na prilela tutar o mas tado, ale ča jalo!“