3. Mojžišoskro 24:2 - Le Devleskero Lav Andre Romaňi Čhib Slovensko 2021

² „Prikazin le Izraelitenge, hoj tuke te anen o žužo olivovo olejos, hoj o švetlos furt te labol andro svietňikos.

3. Mojžišoskro 24:2 Iomraidhean Croise

2. Kronicko 13:11

Sako tosara the rači anen le RAJESKE o labarde the voňava obeti a thoven o mare pro žužo skamind. Sako rat labaren o lampi pro somnakuno svietňikos. Amen doľikeras o prikazaňja le RAJESKRE amare Devleskre, ale tumen les omukľan!

Žalmi 119:105

Tiro lav hin e momeľi mire pindreske a o švetlos mire chodňikoske.

Žalmi 119:130

O zjaveňje tire laveskro anel o švetlos; kerel goďaver olestar, ko na achaľol.

2. Mojžišoskro 39:37

o svietňikos le žuže somnakastar leskre lampenca the sersamoha, the o olejos,

2. Mojžišoskro 40:24

O somnakuno svietňikos thoďa andro Stanos anglo skamind pre južno sera le Stanoskri.

Prislovja 6:23

Kala prikazaňja hine sar e lampa, o sikaviben sar o švetlos, o dovakeribena la kazňakre hine o drom le dživipnaskro,

Izajaš 11:2

Avela pre leste o Duchos le RAJESKRO; o Duchos, so les dela goďi a dela leske te achaľol; o Duchos, so leske radzinela a dela les zor; o Duchos, so leske dela te prindžarel le RAJES a te daral pes lestar.

Izajaš 8:20

Phučen le Devlestar pal o sikaviben the pal o sveďectvos. Te o manuša na vakerena avke, sar phenel o lav, akor hine andro kaľipen.

3. Mojžišoskro 24:1

O RAJ phenďa le Mojžišoske:

3. Mojžišoskro 24:3

O Aron pes starinela pal oda, hoj o švetlos te labol račatar dži tosara anglo RAJ andro Svetostankos anglo pochtan, pal savo hin e archa la zmluvakri. Kada prikazis mušinen te doľikerel tumare pokoleňja pro furt.

Matuš 4:16

O manuša, save dživenas andro kaľipen, dikhle baro kham. Olenge, ko dživenas andre odi phuv andro ciňos le meribnaskro, avľa avri o kham.“

Matuš 5:16

Avke mi labol tumaro švetlos anglo manuša, hoj te dikhen tumare lačhe skutki a te lašaren tumare Dades, savo hino andro ňebos.“

Лукастар 1:79

hoj te švicinel olenge, ko bešen andro kaľipen the andro ciňos le meribnaskro, hoj te ľidžal amare pindre pro drom, kaj hin o smirom.“

Лукастар 12:35

„Aven furt pripravimen a o momeľa tumenge mi labon!

O Evaňjelium le Janoskro 1:4

Andre leste sas o dživipen a oda dživipen sas o švetlos le manušengro.

O Evaňjelium le Janoskro 1:9

Oda čačo švetlos, so labol prekal dojekh manuš, avelas pro svetos.

O Evaňjelium le Janoskro 5:35

Ov sas e momeľi, so labolas the švicinelas, a tumen kamenas sikra te radisaľol andre leskro švetlos.

O Evaňjelium le Janoskro 8:12

Paľis ke lende o Ježiš pale prevakerďa: „Me som o švetlos le svetoskro. Oda, ko phirela pal mande, na phirela andro kaľipen, ale ela les o švetlos le dživipnaskro.“

Skutki 26:18

hoj lenge te phundraves o jakha, hoj pes te visaren le kaľipnastar ko švetlos a le bengeskra zoratar ko Del, hoj pes lenge te odmuken o bini a te chuden o than maškar ola, so pačabnaha andre ma ačhile sveta.‘

2. Korinťanenge 4:6

Bo o Del, savo phenďa: „Mi švicinel o švetlos andral o kaľipen!“, labarďa o švetlos the andre amare jile a anďa o vidňišagos, hoj te prindžaras e slava le Devleskri, savi dičhol pro muj le Ježišoskro Kristoskro.