3. Mojžišoskro 2:14 - Le Devleskero Lav Andre Romaňi Čhib Slovensko 2021

¹⁴ Te kames te anel e chabeneskri obeta le RAJESKE le ešebne uľipnastar, aneha o ešebno zrnos rozdrvimen a pražimen pre jag.

3. Mojžišoskro 2:14 Iomraidhean Croise

1. Mojžišoskro 4:3

Pal varesavo časos anďa o Kain obeta le RAJESKE olestar, so leske bariľa pre maľa.

2. Kraľengro 4:42

Varesavo murš avľa andral o foros Baal-Šališa a anďa le Elizeoske le ešebne uľipnastar biš (20) cikne jačmeňiskre mare the zrnos, so mekča kidle upre, andro gono. A o Elizeus phenďa: „Rozde oda le manušenge, hoj te chan!“

3. Mojžišoskro 2:15

Pre obeta čhiveha o olejos the o kaďidlos. Kada hin e chabeneskri obeta.

3. Mojžišoskro 2:16

O rašaj labarela pro leperiben sikra rozdrvimen zrnos, olejos the savoro kaďidlos sar e jagaľi obeta le RAJESKE.‘ “

3. Mojžišoskro 22:29

Te anena le RAJESKE e paľikeribnaskri obeta, anen la avke, hoj o RAJ tumen te prilel.

3. Mojžišoskro 23:10

„Phen le Izraelitenge: ‚Sar avena andre odi phuv, savi tumenge dav, a skidena lakro uľipen upre, anen o ešebno snopos tumare uľipnastar le rašaske.

3. Mojžišoskro 23:13

Paš oda anena the e chabeneskri obeta: duj kili aro mišimen le olejoha pre obeta, so šukares voňinel le RAJESKE; paš oda mek ľitra mol pre moľakri obeta.

3. Mojžišoskro 23:20

O rašaj ole duje bakroren le mareha andral o ešebno uľipen hazdela upre anglo RAJ pre hazdľi obeta. Kala obeti hine sveta le RAJESKE a patrinen le rašaske.

Malachijaš 1:11

Odarik, khatar o kham avel avri, dži ode, kaj zaperel, ela miro nav baro maškar o narodi. Pre dojekh than anena mire naveske o kaďidlos the e žuži obeta, bo baro ela miro nav maškar o narodi,“ phenel o Nekzoraleder RAJ.

4. Mojžišoskro 28:2

„Prikazin le Izraelitenge kada: ‚Dodikhen pre oda, hoj pro časos, so diňom, mange te anen o chabeneskre obeti, so mange šukares voňinen.‘

1. Korinťanenge 15:20

Ale o Kristus sas uštado andral o meriben sar ešebno olendar, ko mule.

5. Mojžišoskro 26:2

leha o ešebno uľipen savorestar, so barola andre phuv, so tuke del o RAJ. Thoveha oda andro košaris a aneha pre oda than, savo peske kidela avri o RAJ, hoj les ode te lašaren.

Zjaveňje 14:4

Oda hine ola, ko pes na meľarde andre le džuvľenca, bo hine pačivale, a save džan pal o Bakroro všadzik, kaj džal. On sas avricinde maškar o manuša sar oda ešebno daros le Devleske the le Bakroreske.