3. Mojžišoskro 19:5 - Le Devleskero Lav Andre Romaňi Čhib Slovensko 2021

⁵ Sar obetinena le RAJESKE e smiromoskri obeta, anen la avke, hoj te arakhen milosť andre leskre jakha.

3. Mojžišoskro 19:5 Iomraidhean Croise

2. Kronicko 31:2

O kraľis Chizkija ačhaďa le rašajen the le Leviten te služinel andro partiji. Lengre službi sas, hoj te keren o labarde the smiromoskre obeti, hoj te paľikeren a hoj te lašaren paš o vudara le RAJESKRE Chramoskre.

2. Mojžišoskro 24:5

Paľis bičhaďa terne Izraeliten, hoj le RAJESKE te anen o labarde obeti a te murdaren terne biken pre smiromoskri obeta.

Ezechiel 46:12

Sar o kraľis anela e obeta, savi anel korkoro pestar, e labarďi obeta abo e smiromoskri obeta prekal o RAJ, akor leske phundravena e vichodno brana a anela peskri labarďi obeta the e smiromoskri obeta, avke sar pes kerel pro šabat. Paľis džala avri, a sar džala avri, phandena andre e brana.

Ezechiel 46:2

Akor o kraľis mi avel andre avrunestar prekal e veranda la branakri a mi zaačhel paš e zarubňa la branakri. O rašaja mi obetinen leskri labarďi obeta the e obeta le smiromoskri. O kraľis pes mange klaňinela a lašarela man pro prahos la branakro a paľis džala avri, ale e brana pes na phandela andre dži rači.

3. Mojžišoskro 1:3

Te vareko kamela te obetinel e labarďi obeta le gurumňendar, mi anel le bikos bi e chiba. Anela les paš o vudar paš o Svetostankos, hoj te arakhel milosť andro jakha le RAJESKRE.

3. Mojžišoskro 19:4

Ma visaren tumen ko modli; ma keren tumenge le trastune devloren. Me som o RAJ, tumaro Del.

3. Mojžišoskro 19:6

La obetakro mas pes mušinel te chal andre oda džives, sar pes obetinel, abo pre dujto džives. So ačhela dži o trito džives, pes mušinel te labarel.

3. Mojžišoskro 22:19

mušinel te anel le samcos bi e chiba le dobitkostar vaj le bakrendar abo le kozendar, hoj o RAJ oda te prilel.

3. Mojžišoskro 22:21

Te vareko anel e smiromoskri obeta le dobitkostar abo le bakrendar le RAJESKE, hoj te doľikerel peskro lav, savo diňa, abo te odi obeta del korkoro pestar, o džviros mušinel te el bi e chiba, hoj o RAJ les te prilel.

3. Mojžišoskro 22:23

Pre obeta, so o manuš del korkoro pestar, šaj anen le bikos abo le bakres, saves hin jekh pindro cikneder abo bareder. Ale pre odi obeta, so diňan lav le RAJES, našťi, bo kajso džviros o RAJ na prilela.

3. Mojžišoskro 22:29

Te anena le RAJESKE e paľikeribnaskri obeta, anen la avke, hoj o RAJ tumen te prilel.

3. Mojžišoskro 7:16

Te vareko anela te obetinel o daros, so del korkoro pestar abo vašoda, hoj diňa lav, pes chala andre oda džives, sar hino obetimen. No oda, so ačhela, pes šaj chal pre aver džives.

3. Mojžišoskro 7:18

Te pes o mas kala smiromoskra obetatar chala the pro trito džives, o manuš, ko la anďa, na ela priilo; e obeta pes leske na rachinela, bo hiňi nažuži. Oles, ko latar chala, ela vina.