2. Mojžišoskro 5:9 - Le Devleskero Lav Andre Romaňi Čhib Slovensko 2021

⁹ Ole muršen kampel te del phareder buči, hoj te keren a te na el len časos te šunel ola klamišagi.“

2. Mojžišoskro 5:9 Iomraidhean Croise

2. Kraľengro 18:20

Gondoľines tuke, hoj ča o lava the e goďi tuke stačinel te zviťazinel andro mariben? Pre kaste tut mukes, hoj tut mange ačhaves?

O Job 16:3

Na preačheha te vakerel kala balvajakre lava? Sostar tuke nane mištes, hoj tut des anglal?

2. Mojžišoskro 5:10

Avke o egiptska the o izraelika dozorci, phende le Izraelitenge: „O Faraonos phenďa, hoj na dela tumen buter o phusa.

2. Mojžišoskro 5:8

Ale ispiden pre lende, hoj te keren ajci cehli, sar kerenas dži akana. Ňič frimeder! Hine leňiva, vašoda man avke mangen, hoj len te mukav te džal, hoj te obetinen peskre Devleske.

Jeremijaš 43:2

takoj o Azarjah, o čhavo le Hošajoskro, the o Jochanan, o čhavo le Kareachoskro, the savore okla vzburenci phende le Jeremijašiske: „Tu klamines! O RAJ, amaro Del, tut na bičhaďa kale lavenca: ‚Ma džan te bešel sar cudzinci andro Egipt.‘

Zacharijaš 1:6

Či tumare daden na zaile mire lava the prikazi, so diňom mire služobňiken le proroken? Akor kerde pokaňje a phende: ‚O Nekzoraleder RAJ amenca kerďa pal oda, sar dživahas a kerahas; kerďa amenca avke, sar peske kidňa avri.‘ “

Malachijaš 3:14

Tumen phenen: ‚Zbitočňe hin te služinel le Devleske. So amen hin olestar, hoj doľikerahas leskre zakoni a hoj sikavahas le Nekzoraleder RAJESKE, hoj amenge sas pharo vaš amare bini?

Efežanenge 5:6

Ma domuken, hoj tumenca vareko te thovel avri varesave diline lavenca, bo ipen vaš oda avel e choľi le Devleskri pre ola manuša, save les na šunen.