2. Mojžišoskro 31:3 - Le Devleskero Lav Andre Romaňi Čhib Slovensko 2021

³ Pherarďom les mire Duchoha a diňom les prindžaripen, achaľuvipen the goďaveripen pre dojekh buči,

2. Mojžišoskro 31:3 Iomraidhean Croise

1. Kraľengro 3:9

Mangav tut, de man goďi, sar te ľidžal tire manušen, hoj te sprindžarav, so hin lačho a so nalačho. Bo ko šaj ľidžal kada baro narodos?“

1. Kraľengro 7:13

O Šalamun diňa te vičinel le Chiram andral o Tir.

1. Kraľengro 7:14

Ov sas o čhavo la vdovakro andral o kmeňos Naftali a leskro dad, savo sas andral o Tir, kerelas le brondzoha. O Chiram sas igen goďaver a džanelas te kerel savoro le brondzostar. Ov avľa ko Šalamun a chudňa te kerel savore buča, so lestar kamelas.

2. Kronicko 2:7

Bičhav mange the andral o Libanon cedroskre, ciprusoskre the algumoskre kašta. Bo džanav, hoj tire sluhi achaľon te prikerel o kašta. Mire sluhi kerena paš tire murša,

2. Mojžišoskro 28:3

Vičin savore krajčiren, saven diňom goďaveripen a phen lenge, hoj te siven le Aronoske rašajiko ruchos, hoj mange te služinel sar rašaj.

2. Mojžišoskro 31:4

hoj te gondoľinel avri o plani sar te kerel o veci le somnakastar, le rupestar the le brondzostar

2. Mojžišoskro 35:31

O Del les pherdžarďa peskra zoraha a diňa les prindžaripen, achaľuvipen the goďaveripen pre dojekh buči,

2. Mojžišoskro 35:35

Pherarďa len la goďaha, hoj te keren dojekh buči le trasteha the le ľanoha, a hoj te siven la fijalova, ľoľa the purpurova vlnaha the le sane pochtaneha. Džanenas te kerel the e buči pro strojos, pre savo pes kerel o pochtana. On džanen te kerel savori buči the o plani.“

Prislovja 2:6

Bo o RAJ del e goďi a andral leskro muj avel o goďaveripen the o prindžaripen.

Izajaš 28:26

O Del les ľidžal, sikavel les oda mištes te kerel.

Izajaš 28:6

Ov dela o duchos le čačipnaskro oles, ko sudzinel pro sudos; Ov dela e zor olen, ko zaačhaven o mariben angle foroskri brana.