2. Mojžišoskro 17:6 - Le Devleskero Lav Andre Romaňi Čhib Slovensko 2021

⁶ Ode ačhava angle tu pre skala, pro verchos Choreb. Sar demeha pal e skala, avela andral avri o paňi, hoj o manuša te pijen.“ Avke o Mojžiš kada kerďa anglo izraelika vodci.

2. Mojžišoskro 17:6 Iomraidhean Croise

Nehemiaš 9:15

Diňal len o maro andral o ňebos, sar sas bokhale, a the o paňi andral e skala, sar sas smedna. Phenďal lenge, hoj te džan a te zalen peske e phuv, pal savi len diňal lav, hoj lenge la deha.

Žalmi 105:41

Phundraďa e skala a avľa avri pherdo paňi, čuľalas sar e jarka pre pušťa.

Žalmi 114:8

savo čerinel e skala pro jazeros a o kremeňis pro prameňa le paňengre.

Žalmi 46:4

kajte leskre paňa hučinena a peňinena a kajte o brehi razisaľona le bare vlnendar.

Žalmi 74:15

Phundraďal o prameňis the o prudi le paňeskre; šučarďal avri o paňa, so furt čuľan.

Žalmi 78:18

Provokinenas le Devles, bo peske mangenas o chaben pal peskre žadosci.

Žalmi 78:20

He, ov demaďa pal e skala avke, hoj džanas o paňa a strikinenas o potoki, ale šaj dela the maro? Šaj dela the mas peskre manušen?“

Žalmi 81:7

„Iľom leske tele o pharipen pal o phike a andral o vasta thoďom tele o pharo košaris.

2. Mojžišoskro 14:16

Tu hazde tiri paca, nacirde o vast pro moros a rozďelinela pes, hoj o Izraeliti te predžan prekal leste pal e šuki phuv.

2. Mojžišoskro 16:10

Sar o Aron oda phenďa savore Izraelitenge, dikhle pre pušťa a akor pes sikaďa andre chmara le RAJESKRI slava.

Izajaš 48:21

Sar len o RAJ ľidžalas pal e pušťa, na cerpinenas smedos; ov diňa, hoj lenge o paňi te džal andral e skala, pharaďa e skala pre jepaš a demaďa avri o paňi.

4. Mojžišoskro 20:8

„Le e paca a tire phraleha le Aronoha zvičin savore manušen. Prevakeren ke skala angle lende a avela andral late avri o paňi. Avke lenge aneha avri paňi andral e skala, hoj te pijen o manuša the o dobitkos.“

O Evaňjelium le Janoskro 4:10

O Ježiš lake odphenďa: „Te džanľalas, savo daros del o Del a ko hin oda, ko tuke phenel: ‚De man te pijel,‘ mangľalas les a ov tut diňahas o džido paňi.“

O Evaňjelium le Janoskro 4:14

ale ko pijela ole paňestar, so les me dava, oles na smedzinela šoha. Ale o paňi, so les me dava, ačhela andre leste sar e chaňig, so dela o večno dživipen.“

1. Korinťanenge 10:4

a savore pijenas oda jekh duchovno pijiben, bo pijenas andral e duchovno skala, so džalas pal lende – a odi skala sas o Kristus.

5. Mojžišoskro 1:2

O drom le Chorebostar dži paš e Kadeš-Barnea, so džal prekal o brehi le Seiroskre andre phuv Edom, ľikerel dešujekh (11) džives.

5. Mojžišoskro 8:15

Ov tumen ľidžalas pal e bari the strašno pušťa, kaj hine o jedovata sapa the o škorpijona, the pal o šuko than bi o paňi a diňa tumen o paňi andral e zoraľi skala.

Zjaveňje 22:17

O Duchos the e terňi phenen: „Av!“ Oda, ko šunel, mi phenel: „Av!“ Ko hino smedno, mi avel; ko kamel, mi lel peske o džido paňi hijaba.