2. Mojžišoskro 12:2 - Le Devleskero Lav Andre Romaňi Čhib Slovensko 2021

² „Kada čhon prekal tumende ela ešebno le čhonendar a ela ešebno čhon andro berš.

2. Mojžišoskro 12:2 Iomraidhean Croise

Ester 3:7

Andro dešudujto (12.) berš, sar kraľinelas o Ahasver, andro ešebno čhon Nisan losinenas anglo Haman, hoj pes te kidel avri o džives the o čhon, kana murdarena avri le Židen. No o losi, o purim, pele pro dešutrito (13.) džives andro dešudujto čhon Adar.

2. Mojžišoskro 12:1

Andro Egipt o RAJ le Mojžišoske the le Aronoske phenďa:

2. Mojžišoskro 12:18

O mare bi o kvasos chudena te chal rači dešuštarto (14.) džives andro ešebno čhon dži rači andro bišujekhto (21.) džives oda čhon.

2. Mojžišoskro 12:3

A den te džanel savore manušenge andral o Izrael: Andro dešto džives andre kada čhon dojekh murš mušinel te kidel avri jekhe bakrores: jekhes vaš dojekh kher.

2. Mojžišoskro 13:3

O Mojžiš phenďa le manušenge: „Leperen tumenge pre kada džives, andre savo avľan avri andral o Egipt, kaj sanas otroka. Bo o RAJ tumen odarik iľa avri peskre zorale vasteha. Vašoda našťi chan ňič, andre soste hin o kvasos.

2. Mojžišoskro 13:4

Tumen adadžives adarik džan avri andro ešebno čhon Abib.

2. Mojžišoskro 23:15

Doľikereha o inepos le Marengro bi o Kvasos andro časos, so sas dino, andro čhon Abib, bo andre oda čhon avľal avri andral o Egipt. Efta dživesa chaha ola mare, avke sar tuke prikazinďom. Našťi man aves te lašarel bijal e obeta.

2. Mojžišoskro 34:18

Doľiker o inepos le Marengro bi o Kvasos. Avke sar tuke prikazinďom, cha efta dživesa ola mare andro čhon Abib, bo andre oda čhon avľal avri andral o Egipt.

2. Mojžišoskro 40:17

O Svetostankos ačhade ešebno džives andro ešebno čhon andro dujto berš paloda, sar omukle o Egipt.

Ezechiel 45:18

„ ‚Kada phenel o RAJ, o Adonaj: Pro ešebno džives andro ešebno čhon obetin jekhe terne bikos bi e chiba a obžužar o Chramos le binostar.

Ezechiel 45:21

Pro dešuštarto (14.) džives andre oda čhon ľikerena o inepos Patraďi; efta džives chana o mare bi o kvasos.

3. Mojžišoskro 23:5

Andro ešebno čhon pro dešuštarto (14.) džives, sar zadžala o kham, chudela le RAJESKRI Patraďi.

4. Mojžišoskro 28:16

Dešuštarto (14.) džives andre ešebno čhon hiňi e Patraďi pre pačiv le RAJESKE.

5. Mojžišoskro 16:1

„Andro čhon Abib ma bister te oslavinel e Patraďi pre pačiv le RAJESKE, tire Devleske. Bo andre oda čhon tumen o RAJ, tumaro Del, prekal e rat iľa avri andral o Egipt.