1. Samueloskro 5:4 - Le Devleskero Lav Andre Romaňi Čhib Slovensko 2021

⁴ Sar pre aver džives sig tosara ušťile, o Dagon sas pale čhido tele a pašľolas le mujeha angle archa le RAJESKRI. Leskro šero the soduj vasta sas phagerde pre phuv pro prahos a ačhiľa leske ča o ťelos.

1. Samueloskro 5:4 Iomraidhean Croise

Izajaš 27:9

Akor ela e vina le Jakoboskri odmukľi a akor dičhola, hoj o Del odiľa savore bini, sar phagerela savore barune oltara pro kotora sar o vapencos, sar na ačhena imar ňisave slupi la Ašerakre aňi ňisave kaďidloskre oltara.

Izajaš 40:20

Te varesavo manuš hino čoro a nane les somnakaj abo rup, ta kidel peske avri ajso kašt, so na kirňol, arakhel peske lačhe remeselňikos, hoj leske te kerel e modla, so pes na čhalavela.

Jeremijaš 10:11

Phenen lenge kada: ‚Ola devla, so na stvorinde o ňebos the e phuv, našľona pal e phuv the telal o ňebos.‘

Jeremijaš 10:14

Savore kala modlara hine diline the bi e goďi. Sako, ko kerel o modli, pes ladžala, bo leskre modli hine o klamišagos a nane andre lende o dichos.

Jeremijaš 10:15

O modli na mon ňič a hine pro asaben; sar avela lengro sudos, ena zňičimen.

Jeremijaš 50:2

„Den te džanel maškar o narodi a džan te vakerel, hazden upre e zastava a den te džanel sakoneske; ma garuven ňič a phenen: ‚O Babilon ela zailo; leskro del o Bel ela ando pre ladž, leskro del o Marduk ela čhido tele. Leskre modli ena pre ladž a leskre sochi perena tele.‘

Daniel 11:8

Lela the lengre devlen, lengre trastune modlen the lengre vzacna rupune the somnakune nadobi a ľidžala len andro Egipt. Pro vajkeci berš mukela le kraľis pro severos andro smirom.

Micheaš 1:7

Savore lakre modli ena phagerde; savore dari, so chudňa vaš o lubipen andre lakro chramos, ena labarde andre jag. Bo ola modli peske cinďa vaš o lubipnaskro počiňiben, a vašoda pes oleha počinela pale vaš o lubipen varekhaj avrether.“

1. Samueloskro 6:5

Keren le somnakastar vareso, so dičhol avke sar ola vredi the ola miši, so ňičinen e phuv, a den pačiv le Izraeloskre Devles: Talam preačhela te marel tumen, tumare devlen the tumari phuv.