1. Samueloskro 5:3 - Le Devleskero Lav Andre Romaňi Čhib Slovensko 2021

³ Sar o Ašdoďana pre aver džives sig tosara ušťile, arakhle le Dagon čhides tele pre phuv te pašľol le mujeha angle archa le Devleskri. Avke ile le Dagon a thode les te ačhel pale pre peskro than.

1. Samueloskro 5:3 Iomraidhean Croise

1. Kraľengro 18:26

Avke ile peskre bikos a pripravinde les. Tosarastar dži o dilos mangenas le Baal a vičinenas: „Ó, Baal, odphen amenge!“ No na šunďolas les, aňi lenge na odphenďa, kajte khelenas the chučkerenas pašal o oltaris, so kerde.

Žalmi 115:7

hin len vasta, ale na chuden, hin len pindre, ale na phiren, hin len kirle, ale našťi den avri o hangos.

Žalmi 97:7

Ladžala pes sako, ko služinel le modlenge a lašarel pes peskre devlorenca. Banďon anglal leste, savore devlale!

2. Mojžišoskro 12:12

Odi rat predžava prekal o Egipt a murdarava ode savore ešebnen a oda le manušendar dži o dobitkos. A anava o sudos pre savore devla andro Egipt. Me som o RAJ.

Izajaš 19:1

O proroctvos pro Egipt: Dikh, o RAJ avel sig le chmarenca a džal andro Egipt. O modli le Egiptoskre lestar izdran a o jile le Egipťanengre previsaľon daratar.

Izajaš 40:20

Te varesavo manuš hino čoro a nane les somnakaj abo rup, ta kidel peske avri ajso kašt, so na kirňol, arakhel peske lačhe remeselňikos, hoj leske te kerel e modla, so pes na čhalavela.

Izajaš 41:7

O ťesaris le lavenca povzbudzinel le zlatňikos a oda, ko hladzinel e modla avri le čokanoha, phenel oleske, ko marel pre kovadlina: „Mištes kerďal!“ A zachuden e modla le lecegenca, hoj pes te na čhalavel.

Izajaš 46:7

Len la pro vali a hordinen peha. Sar la thoven tele, ačhel furt ode a na čhalavel pes pal peskro than. Kajte pre late vareko vičinel, na del pes anglal; na zachraňinel les andral leskro pharipen.

Jeremijaš 10:8

Savore manuša ole narodengre hine diline a nagoďaver. So šaj sikľon le kaštune modlendar?

Sofonijaš 2:11

O RAJ len daravela avri akor, sar zňičinela savore devlen pre phuv. Avke savore narodi banďona anglal leste ode, kaj hine, sako andre peskri phuv.

Marek 3:11

A the o nalačhe duchi, sar les dikhenas, perenas anglal leste a vičinenas: „Tu sal o Čhavo le Devleskro!“

1. Samueloskro 6:1

Le RAJESKRI archa sas andre filišťiňiko phuv efta čhon.

1. Samueloskro 6:5

Keren le somnakastar vareso, so dičhol avke sar ola vredi the ola miši, so ňičinen e phuv, a den pačiv le Izraeloskre Devles: Talam preačhela te marel tumen, tumare devlen the tumari phuv.