1. Samueloskro 13:3 - Le Devleskero Lav Andre Romaňi Čhib Slovensko 2021

³ O Jonatan geľa pro filišťiňika slugaďa andre Geba a savore Filišťinci pes pal oda došunde. Akor o Saul diňa te trubinel pro rohos andre caľi phuv a phenďa: „Mi šunen o Hebreja!“

1. Samueloskro 13:3 Iomraidhean Croise

2. Samueloskro 2:28

Avke o Joab zatrubinďa pro rohos, savore murša zaačhile a preačhile te džal pro Izraeliti. Avke pes imar preačhile te marel.

2. Samueloskro 20:1

Akor sas ode the jekh nalačho murš o Šebas, le Bichriskro čhavo, savo sas Benjaminčanos. Ov zatrubinďa pro rohos a phenďa: „Amen nane ňič jekhetane le Davidoha, aňi ňisavo ďeďictvos le Izajoskre čhaha! Izraelitale, džan sako andre peskro stanos!“

2. Samueloskro 23:14

Akor o David sas andre pevnosť pro verchi a o filišťiňika slugaďa sas andro Betlehem.

Izajaš 10:29

Predžan pal o verchengro drom a phenen: „Andre Geba presovaha!“ O manuša andral e Rama izdran daratar, o manuša andral e Gibea le Sauloskri denašen.

Zacharijaš 14:10

Caľi phuv, la Gebatar dži o Rimon, pro juhos le Jeruzalemostar, pes čerinela pre rovina. Ale o Jeruzalem ačhela upre pre peskro than le Benjaminoskra branatar dži e Phurikaňi brana a dureder ke Rohoskri brana, a le Chananeloskra vežatar dži o lisos le kraľiskro.

Jozua 18:24

o Kefar-Amoni, o Ofni the e Geba; dešuduj (12) fori the lengre gavenca.

Jozua 21:17

Le Benjaminčanengre phuvendar lenge dine kala fori le maľenca: o Gibeon, e Geba,

Sudcengro 3:27

Sar ode doavľa, zatrubinďa pro bakrano rohos pro brehi Efrajim a odarik ľidžalas le Izraeliten tele.

Sudcengro 6:34

O Duchos le RAJESKRO avľa pro Gideon a ov zatrubinďa, hoj te vičinel ke peste la Abiezeriskra famelija.

1. Samueloskro 10:5

Paľis aveha pro verchos le Devleskro Gibea, kaj hin o taboris le Filišťincengro. Sar džaha andro foros, arakheha ode but proroken, save avena tele pal o učo than, le bašavibnaha pre harfa, bubna, flauta the pre citara. On prorokinena.

1. Samueloskro 13:16

O Saul, leskro čhavo o Jonatan the leskre murša, save sas lenca, peske kerde taboris andre Geba, medik o Filišťinci sas andro Michmas.