1. Peter 4:8 - Le Devleskero Lav Andre Romaňi Čhib Slovensko 2021

⁸ Ale anglal savoreste, kamen jekh avres bare kamibnaha, bo o kamiben učharel andre but bini.

1. Peter 4:8 Iomraidhean Croise

Prislovja 10:12

Te pes našťi avri ačhas, ena o vesekedišagi, no o kamiben učharel andre savore nalačhipena.

Prislovja 12:16

O dilino sikavel peskri choľi takoj, no o goďaver peske na kerel ňič, sar leske dophenen.

Prislovja 17:9

Ko odmukel o nalačhipen, rodel o kamiben, ale oda, ko oda furt leperel, musarel o prijaťeľstvo.

Prislovja 18:13

Te odphenel varekaske, medik les na šunďal avri, hin diliňipen a pre ladž.

1. Korinťanenge 13:1

Kajte vakerďomas le manušengre či le aňjelengre čhibenca, ale na uľahas man o kamiben, uľomas ča sar o zvonos, so harangozinel, abo sar o trast, so čerginel.

1. Korinťanenge 13:4

O kamiben ľikerel avri, o kamiben hino lačho. O kamiben na zavidzinel, na lašarel pes a na ľidžal pes upre.

Kološanenge 3:14

Ale upral savoreste uren tumen andro kamiben, savo sphandel savoro andre dokonalo jednota.

1. Tesaloničanenge 3:12

A mi kerel o Raj, hoj tumaro kamiben jekh ke avreste a the ke sakoneste te barol a te prečuľal avri, avke sar hin amaro kamiben ke tumende.

2. Tesaloničanenge 1:3

Phralale, amen mušinas vaš tumenge te paľikerel furt le Devleske a hin vaš soske, bo igen barol tumaro pačaben the tumaro kamiben jekh ke avreste.

1. Timoteoske 1:5

O cieľos ole prikaziskro hin o kamiben, so avel andral o žužo jilo, andral o lačho svedomje the andral o čačo pačaben.

Židenge 13:1

O kamiben maškar o phrala te na preačhel.

Jakob 5:12

Anglal savoreste, phralale mire, ma len vera aňi pro ňebos aňi pre phuv, aňi ňisavi aver vera. Ale tumaro „He“, mi el „He“, a tumaro „Na“, mi el „Na“, hoj te na peren andro odsuďeňje.

Jakob 5:20

mi džanel, hoj oda, ko visarela le binošne manušes pal leskro nalačho drom, zachraňinela leskro dživipen andral o meriben a učharela andre but bini.

1. Peter 1:22

Avke akana, te imar obžužarďan tumare duši oleha, hoj sanas poslušna le čačipnaske, hoj te kamen le phralen čače kamibnaha, kamen jekh avres žuže jileha.

3. Jan 1:2

Miro lačho Gajona, modľinav man, hoj tuke te avel mištes andre savoreste a hoj te aves sasto, avke sar hin mištes tira dušake.