1. Mojžišoskro 9:5 - Le Devleskero Lav Andre Romaňi Čhib Slovensko 2021

⁵ Marava dojekhe džviros, savo murdarela le manušes. Marava the ole manušes, savo murdarela avre manušes.

1. Mojžišoskro 9:5 Iomraidhean Croise

1. Mojžišoskro 42:22

O Ruben lenge phenďa: „Na phenďom tumenge, hoj te na keren ňič ole čhaske? No tumen man na šunďan. Akana počinaha vaš leskro dživipen.“

2. Samueloskro 4:11

Ta akor keci goreder oda ela ole nalačhe manušenca, save murdarde ole čačipnaskre muršes, medik sovelas pre peskro hadžos andre peskro kher. Či na mangava akana leskro rat andral tumare vasta a na zňičinava tumen pal kadi phuv?“

1. Kraľengro 2:6

Se tu džanes, so te kerel! Ma muk les, hoj te sphurol a andro smirom te merel.

2. Kraľengro 11:1

Sar e Atalija, le Achazijoskri daj, dikhľa, hoj lakro čhavo hino murdardo, geľa a diňa te murdarel savore le kraľiskre čhaven.

2. Kronicko 24:22

O Joaš bisterďa pro lačhipen, so leske kerelas le Zecharijoskro dad o Jehojada, a diňa te murdarel leskre čhas. Sar o Zacharijah merelas, zvičinďa: „RAJEJA, dikh pre ada a visar lenge pale!“

2. Kronicko 33:24

Paľis le Amonoskre služobňika pes vzburinde pre leste a murdarde les andre leskro palacis.

2. Kronicko 33:25

Ale o judska manuša murdarde olen, ko kerde vzbura pro kraľis Amon a pal leste ačhade kraľiske leskre čhas le Jozijaš.

Žalmi 9:12

Giľaven o chvali le RAJESKE, savo troňinel pro Sion! Vakeren le narodenge pal leskre skutki!

2. Mojžišoskro 20:13

Na murdareha!

2. Mojžišoskro 21:12

Te vareko demela varekas avke, hoj merela, mušinel tiš te merel.

3. Mojžišoskro 19:16

Ma rozľidža o pľetki maškar tire manuša. Te džal varekaske pal o dživipen, ma užar a dža te svedčinel. Me som o RAJ.

3. Mojžišoskro 24:17

Sako, ko murdarela manušes, ela murdardo.

3. Mojžišoskro 24:21

Oda, ko murdarela varekaske le džviros, mušinela leske te del pale vaš oda džviros, ale oda, ko murdarela manušes, ela murdardo.

4. Mojžišoskro 35:16

Te vareko demel varekas le trasteha, le bareha abo le kašteha avke, hoj oda dženo merela, hino vrahos a mušinel te merel.

4. Mojžišoskro 35:21

abo les demela le vasteha avke, hoj merela, oda dženo hino vrahos a mušinel te merel. E nekpašeder famelija le muleskri šaj les murdarel, te les arakhela.

Matuš 23:35

Avke avena potrestimen vaš oda, hoj murdarďan le čačipnaskren; vaš oda, hoj čhorďan avri o ňevinno rat le Abelostar dži ko Zachariaš, le Barachiašiskro čhavo, saves murdarďan maškar o chramos the oltaris.

Skutki 17:26

Ov kerďa jekhe manušestar savore manušen, hoj te bešen pal caľi phuv. A diňa le manušen časos keci te dživel the o than kaj te bešel.

5. Mojžišoskro 19:11

Šaj pes ačhel, hoj vareko našťi avri ačhelas avre dženes, geľahas pre leste a demaďahas les avke, hoj muľahas, a oda dženo denašľahas andre jekh kale forendar.

5. Mojžišoskro 19:12

Akor o vodci le foroskre mi bičhaven pal leste andre oda foros, mi len les odarik avri a mi den les te murdarel oleske, ko sas nekpašeder famelija ole murdarde dženeske.

Sudcengro 9:56

Avke o Del visarďa pale le Abimelechoske oda, so kerďa peskre dadeske, sar murdarďa peskre eftavardeš (70) phralen.