1. Mojžišoskro 8:1 - Le Devleskero Lav Andre Romaňi Čhib Slovensko 2021

¹ O Del peske leperďa pro Noach the pre savore dziva džviri the dobitkos, so leha sas andro korabos. O Del bičhaďa pre phuv e balvaj a o paňi pre phuv chudňa te džal tele.

1. Mojžišoskro 8:1 Iomraidhean Croise

1. Mojžišoskro 19:29

A sar o Del zňičinelas o fori pre oda than, kaj bešelas o Lot, leperďa peske pro Abraham a mukľa le Lot te denašel odarik avri.

1. Mojžišoskro 30:22

Akor peske o Del leperďa pre Rachel, šunďa la avri a phundraďa andre late o dživipen.

1. Mojžišoskro 9:10

Phandav la the savore dzive džvirenca, the le maľakre džvirenca, the le ňeboskre čiriklenca, so hine tumenca, the savorenca, so avle avri andral o korabos.

Nehemiaš 13:14

Vašoda, ó, Devla miro, leper tuke pre savore veci, so kerďom prekal e služba andro Chramos, a ma bister pre miro pačivaľiben.

Nehemiaš 13:22

Le Levitenge prikazinďom: „Obžužaren tumen a džan te stražinel paš o brani, hoj te pošvecinen o šabatoskro džives.“ Leper tuke pre ma, Devla miro, the vaš kada, a av ke ma jileskro andre tiro baro kamiben.

Nehemiaš 13:29

Ma bister pre lende, Devla miro, hoj meľarde tiri zmluva, so kerďal le rašajenca the le Levitenca!

Nehemiaš 13:31

a phenďom, kana a sar te anel o kašta the o ešebno uľipen andro Chramos. Devla miro, leper tuke pre oda lačhipen, so kerďom!

O Job 12:15

Sar ov zaačhavel o brišind, hin šukiben, a sar mukel avri o bare paňa, zňičinel e phuv.

O Job 14:13

Joj, te man garuďalas andro Šeol a mukľalas man ode, medik tut na pregeľahas e choľi! Ó, te man diňalas varesavo časos a paľis tuke pre ma leperďalas.

Žalmi 105:42

Bo na bisterďa pro sveto lav, so diňa le Abraham, peskre služobňikos.

Žalmi 106:4

RAJEJA, leper tuke pre ma, sar presikaveha o kamiben tire manušenge; av ke ma, sar len zachraňineha,

Žalmi 115:12

O RAJ pre amende na bisterďa, ov amenge žehňinela. Žehňinela o kher le Izraeloskro, žehňinela o kher le Aronoskro.

Žalmi 132:1

E giľi pro drom upre andro Jeruzalem. RAJEJA, ma bister pro David, pre savoro leskro trapišagos!

Žalmi 136:23

Leperďa peske pre amende andre amaro poňižeňje, bo leskro verno kamiben ľikerel pro furt;

Žalmi 137:7

RAJEJA, ma pobister le Edomitenge oda, so vičinenas akor, sar peľa tele o Jeruzalem: „Čhiven les tele, čhiven les tele dži o zakladi!“

Žalmi 29:10

O RAJ bešelas pro tronos paš e potopa; o RAJ bešel pro tronos sar kraľis pro furt.

Žalmi 36:6

RAJEJA, tiro verno kamiben dodžal dži o ňebos a tiri vernosť dži o chmari.

2. Mojžišoskro 14:21

O Mojžiš hazdňa o vast upral o moros a o RAJ diňa te phurdel pro moros zoraľi balvaj pal o vichodos a čerinďa o moros pre šuki phuv. Rozphurdľa o paňi pro duj seri

2. Mojžišoskro 15:10

Tu pre lende phurdľal a začhiďa len o moros. Tašľile sar olovos andro bare paňa.

2. Mojžišoskro 2:24

O Del šunďa lengro roviben a leperďa peske pre zmluva, so phandľa le Abrahamoha, Izakoha the le Jakoboha,

Prislovja 25:23

E balvaj pal o severos anel o brišind, avke the e pľetkošno čhib anel e choľi.

Izajaš 44:27

Le bare moroske phenav: ‚Šučuv avri! Tire paňa šučarava avri.‘

Jeremijaš 50:38

Mi avel o šukiben pre leskri phuv, mi šučon avri leskre paňa, bo oda hin e phuv le strašne modlengri, save diliňaren andre le manušen!“

Amos 8:7

O RAJ, saveha pes lašaren o čhave le Jakoboskre, iľa pre peste vera: „Šoha na bisterava o nalačhipen, so kerďan!

Jonaš 4:11

A mange te na avel pharo vaš oda baro foros Ninive, andre savo hin buter sar 120 000 manuša, save na džanen te rozprindžarel, so hin lačho a so nalačho, a the vaš ola but džviri?“

Nahum 1:4

Pre leskro prikazis o moros šučol avri a the savore paňa – o Bašan the o Karmel šučon avri a the o libanoňika kvitki.

Habakuk 3:2

RAJEJA, šunďom pal tute o lačho hiros a čudaľinavas man upral tire skutki, RAJEJA. Ker oda pale akana andre amare dživesa; ker, hoj olestar te džanen andre amaro časos! Andre choľi ma bister pre milosť!

Zacharijaš 10:11

Me, o RAJ, predžava prekal o moros le pharipnaskro, marava le vlnen andro moros a savoro paňi andro Nil šučola avri. O baripen la Asirijakro ela pokorimen a o žezlos le Egiptoskro našľola.

4. Mojžišoskro 10:9

Sar imar avena andre peskri phuv, a te džana andro mariben le ňeprijaťeľiha, savo pre tumende ispidela, zatrubinen pre kala trubi. Akor me, o RAJ, mange pre tumende leperava, pomožinava tumenge a zachraňinava tumen le ňeprijaťeľendar.

4. Mojžišoskro 22:32

Le RAJESKRO aňjelos leske phenďa: „Soske trival marďal tire somaris? Me avľom vašoda, hoj tut te zaačhavav pre kada drom, bo džas andro nalačhipen.

Zjaveňje 16:19

Oda baro foros pes prečhinďa pro trin kotora a o fori le narodengre pele. O Del na bisterďa aňi pre oda baro Babilon a diňa leske te pijel e mol andral peskri kuči, e mol peskra bara choľakri.

Zjaveňje 18:5

Bo leskre bini doavle dži ko ňebos a o Del peske leperďa pre leskro nalačhipen.

1. Samueloskro 1:19

Sig tosara ušťile, lašarenas le RAJES a gele pale khere andre Rama. Paľis o Elkanah pašľiľa peskra romňaha la Annaha a o RAJ peske pre late leperďa.