1. Mojžišoskro 15:7 - Le Devleskero Lav Andre Romaňi Čhib Slovensko 2021

⁷ Paľis leske o RAJ phenďa: „Me som o RAJ, savo tut iľom avri andral o chaldejiko foros Ur, hoj tuke te dav kadi phuv, hoj tuke la te zales.“

1. Mojžišoskro 15:7 Iomraidhean Croise

1. Mojžišoskro 12:1

O RAJ phenďa le Abramoske: „Dža avri andral tiri phuv the andral tire dadeskro kher the andral tiri famelija a dža andre odi phuv, savi tuke sikavava.

1. Mojžišoskro 12:7

Le Abramoske pes sikaďa o RAJ a phenďa leske: „Kadi phuv dava tire čhavenge.“ Avke o Abram ačhaďa oltaris ode, kaj pes leske o RAJ sikaďa.

1. Mojžišoskro 28:4

Mi del le Abrahamoskro požehnaňje tuke the tire čhavengre čhavenge, hoj e phuv, kaj sal cudzincos a so diňa o Del le Abrahamoske, te el tiri.“

1. Mojžišoskro 50:24

Paľis o Jozef phenďa le phralenge: „Me merav, ale o Del ela tumenca a ľidžala tumen avri andral kadi phuv andre odi phuv, pal savi diňa lav le Abraham, le Izak the le Jakob.“

Žalmi 105:11

akor, sar phenďa: „Tuke dava e kanaaňiko phuv andro ďeďictvos.“

Žalmi 105:42

Bo na bisterďa pro sveto lav, so diňa le Abraham, peskre služobňikos.

Žalmi 105:44

Diňa lenge o phuva le narodengre, ile peske o maľi, pre save aver džene kerenas buči.

2. Mojžišoskro 32:13

Leper tuke pre tire služobňika pro Abraham, pro Izak the pro Jakob, saven diňal lav a iľal vera: ‚Rozmnožinava tumaro potomstvos avke sar le čercheňen pro ňebos a caľi kadi phuv, pal savi tumenge phenavas, dava tumare čhavenge sar lengro večno ďeďictvos.‘ “

4. Mojžišoskro 33:53

Zalen odi phuv a bešen ode. Diňom la tumenge, hoj te el tumari.

Rimanenge 4:13

Bo na prekal o zakonos sas dino o lav le Abrahamoske the leskre čhavenge, hoj ela o ďeďičis le svetoskro, ale prekal o spravodľišagos, so avel le pačabnastar.

5. Mojžišoskro 3:18

Paľis lenge prikazinďom: ‚O RAJ, tumaro Del, tumenge diňa kadi phuv, hoj la te zalen. Savore murša, save šaj džan andro mariben, mi predžan prekal o Jordan vizbrojimen angle peskre Izraeloskre phrala.

5. Mojžišoskro 9:5

Oda nane vaš tiro spravodľišagos aňi vaš oda, hoj keres mištes, ale vaš lengro nalačhipen tuke o RAJ del lengri phuv, bo kamel te doľikerel o lav, so la veraha diňa tire dadenge, le Abrahamoske, le Izakoske the le Jakoboske.