Rukas 6:42 - Rikbaktsa

⁴² Hawa tsimaha aziky pe tsimy: “Byri kaziky, uta ahyrizik okebo humo hu my” tsimy — niy. — O ikia myziharawatahanaha ziktawa niy. Batu ahahyrinymyry. Tapara hwi puho ahyrizik eze taty hyrybokty iwaze iktasaziu tsimy iwaze aziky tsipitsumuẽhĩ. Niytahi hwi upa ty aziky hyrizik okeze ky bo hu tsimy — niy. Sesus nikarazo. Iwaze ikia wasani tsimy zeka aziky tsipitsumuẽhĩ.

Rukas 6:42 Iomraidhean Croise

Mateus 26:75

Peduru mytsaty niy. Tapara Sesus: — O kokuaro pobyituze “Batu Sesus kanyhy” iwa tsimytsaso — niy. Peduru niparak. Ape baze nipuziuku.

Mateus 7:3

Ahatukytsa simysapybyitsa tu mykaranaha zeka batu iktsa tsimy. Iktsa tsimy zeka maku wata atahi hwi piak tsibik bo iziky hyrizik eze iktsa my. Hwi puho tahyrizikok eze tuze batu zikozo.

Mateus 7:4

Tsimytsaso zeka “O byri kaziky, uta ahyrizik oke bo humo hu my” tsimy. Anaharere batu isapy my. Hwi puho ahyrizik eze tuze batu iktsa ziky. Tapara hwi puho ahyrizik eze taty hyrybokty iwaze aziky hyrike bo hu ty. Atsawatuze “O utakta kamysapyrẽta” tsimykara. Ikia batu amysapy tsimy.

Rukas 13:15

Sesus ispe niy: — Ahaharawatahatsitsa! Mybyrykywy eze tarabaja tsimaha. Ikiahatsa pikuza buhu kino niwatihi isparik ikny tsipisatsuknaha. Pihik bo tysioktyhyknaha.

Rukas 22:32

Iwaze utakta Deus bo atsyhyryze botu ikpamykysoko: — O Deus Simaõ Peduru tsikaeni zuba kahumo ispirikpo tsipitsumuẽhĩ iwatahi atahi kahumo tispirikporẽta babata mozik — niy. Iwaze Sesus Peduru pe niy. — Kahumo tsimyspirikpozoze atukytsa tynasipunihikwyky. Iwaze tysitsumuẽhĩ. Asahi ahumo sispirikporẽtsa moziknaha — niy.

Rukas 6:41

— O kytsa amo skaraba ikia aziky hyrizik oke bo hwi upa tsibik bo tsimykozoze. Hwi puho ahyrizik okeze tuze batu zikozo. Ahany byizeka hwi puho ahyrizik okeze tu tsimy.

Rukas 6:43

— Kyze hwi tisapyrẽta zeka ihara kino niwatihi tisapyrẽta. Wihara sapybyi my zeka hwi batu isapy my. Hwi isapy byizeka wihara kino batu isapy mozik — niy.

Atos 13:10

— Ikia Diabo wata atahi hyrikoso sapybara nasipehaikik. Hawa ty tisapyrẽna ty ikia batu akparawy. Amysapybyitsa tsimynakara. Ikia hi mospihikbatanikita tsimy. Hawa ty wasani Sesus soho ikia hi. “O batu wasani ziky” mybarapetu tsimykara. Abaka Deus pasininiwyky.

Atos 2:38

Peduru tihi: — Ahasopyksapybyri tsikykaranaha tsimoewynahaktsa! Tsikaharasusunahaktsa! Kytsa pahaharasusukunahaze ikiahatsa tihi: “O Sesus Kiristu tukta myzehikik” tsimaha. Iwa tsimaha zeka Deus ahamysapybyi humo pahaokzohik iwaze hi Deus hyrikoso ahatuk mynapykyk.

Atos 8:21

Ikia Deus tsyhyryze batu tarabaja ziky. Ikia hi batu amysapy tsimy. Deus zany. Ikia amysapybara Deus zany. Amysapybyri ty ka tsipimoewy — niy.

Homanos 2:1

Kaharereziuwytsa ikiahatsa ja. Sozeka ja ahatuk tsimypamykysonaha. — Asaktsa Deus okzeka batu sisopyksapy mykaranaha. Katsaktsa batu siwatsa — tsimykaranaha. Ikiahatsa siwatsa hi tsimykaranaha iwaze ahaharere ty harapubeteheke tsimykaranaha.

2 Korĩtios 5:18

Iwatsahi meky watu tsikyziknaha. Deus humo zuba katsa meky watu tsimoziknaha, Deus hi nimysuknizo Kiristu mysapyzeky nihyrikosokda naha humo katsaktsa meky watu tsimoziknaha. Tubabatu katsaktsa Deus humo batu mykparawy taparaka ihumo tsikmykyrikinaha. Abaka mahani. Ata humo hi abaka ahaharereziuwy tsimoziknaha iwaze Deus mype niy: — Ustsa kytsa boktsa! — tsimaha. — Kytsa bo tsimytsasonaha kahumo hi kaharereziuwy moziknaha, ahaokani byihuja tsimaha — Deus niy.

2 Timoteo 2:21

Hawa katsa morosuk tisapyrẽna tyakse tsihikik mymyikaha boktsa zubatsa, Deus hyriziktsokzawy humo mymykse tsihikik. Deus okzeka wasani tsimoziknaha. Iwaze Deus mype my: — O ikiahatsa katsumuẽhĩtsa tsimoziknaha. Ikiahatsa humo kakurẽta. Amy humo wasani tsimykaranaha! — mykara. Iwatsahi morosuktsa watsa tsimoziknaha atakta mymyikahaze tsimykaranaha. Deus mysoho: — O ikiahatsa tsamysapyrẽtsa tsimaha. Iwatahi ikiahatsa katsyhyryze tarabaja tsimykaranaha — my. Tarabaja tsizubarẽna humo mykyzodiharẽtsa tsimykaranaha kahumo kytsa Sesus harere mysihyrinymyryky my. Mysapybyitsa tsikykaranaha botu tahamoewyhik ana humo hi Deus tsakurẽta hỹ.

2 Peduru 1:9

Asaktsa Deus harere bo yhỹ ahabyi zeka sihyrizikubyitsa watsa. Kytsa tsikaeni zuba iktsa mykaranaha. Simysapybyitsa nikaranaha, Deus botu nisiokzohik anahumo hi nispiriktsokdanaha.