Rukas 20:23 - Rikbaktsa

²³ Asaktsa simysapybyitsa tu mykaranaha ana humo hi Sesus tsihyrinymyrẽta.

Rukas 20:23 Iomraidhean Croise

Mateus 16:1

Kyze Pariseutsa asaktsa Moises harere sihyrinymykynahatsa, Sadusitsa kino niwatihi Sesus bo zumunaha. Sispirikpobyitsa tu ibo nizokparakanaha. Sesus Moises harere bo batu yhỹ mozihikiknaha iwatsahi nizokparakanaha. Niharapebetsakaknaha. Iwa ipe: — Deus zikwy mybo tsiwatawykta watawy tsimy zeka Deus zapeha iwa katsa tsipinymyrynaha — niaha.

Mateus 22:18

Sesus simysapybyi humo tsihyrinymyrẽta hỹ. Ispe niy: — Ikiahatsa tawatahakanahatsa watsa. Amo kaharere humo uta imysapybara tsimyzihikiknaha ana hi tsipiperykynaha. Iwatatu ahape my:

Rukas 20:20

Iwatsahi kytsa Sesus bo nisipehakanaha. Kytsa — O Sesus myhyrinymyrykytsa! — mybarapetu nikaranaha. Asaktsa siharerewabymybarẽtsa. Kytsa Sesus nizokparakanaha iharere ziwabytoktokonaha. Bykyze isoho humo — “O atakta batu imysapy” maha hi — nizihikiknaha. Iwatsahi ispehatsa bo pioktyhyryknaha.

Rukas 20:22

Kapitão Sesa Homa ezektsa pehakatsa okyrysaro ty ibo nyny tsimaha zeka wasani ja — nikaranaha.

Rukas 20:24

Iwatatu ispe niy: — Pany okyrysaro ty kabo nynytaha! Aty naro sa okyrysaro humo iwatahaha. Aty hyrikoso sa okyrysaro humo ziwatahaka — niy. — Sesa hyrikoso okyrysaro humo niy. Sesa naro iwatahaha okyrysaro humo niwatihi — nikaranaha.

Rukas 5:22

Sesus tsihyrinymyrẽta tu iwaze ispe niy: — O hawa skaraba kytsa. Iwahatu pahaokzohik my zeka tsihokdaharẽna. Batu zikozonaha. Uta kyiktykta my zeka ana humo kino tsihokdaharẽna. Nizororoze kazikwybaba humo ahahyrinymyrẽtsa. Iwatu utakta wyzik niwatihi my — niy.

Rukas 6:8

Sesus tsihyrinymyrẽta. Hawa taparaktsa mytsaty nikaranaha, Sesus zinymyry. Iwaze Sesus itsyhyrype noikta pe niy: — Kyiktykta! Mytazahara eze riktotykta — niy. Itsyhyrype noikta atsoko kytsa tazahara eze tarikto.

Atos 13:10

— Ikia Diabo wata atahi hyrikoso sapybara nasipehaikik. Hawa ty tisapyrẽna ty ikia batu akparawy. Amysapybyitsa tsimynakara. Ikia hi mospihikbatanikita tsimy. Hawa ty wasani Sesus soho ikia hi. “O batu wasani ziky” mybarapetu tsimykara. Abaka Deus pasininiwyky.

1 Korĩtios 10:9

Asaktsa sisakimyijarẽtsa ziknakaranaha. Asahi: — Moises harere bo yhỹ habyi zeka Deus ba zikmysininiwy iwaze hi myhumo tsimypokzitsiarẽta — mybarapetu nikaranaha. Iwaze imysapybara ty nikaranaha. Iwatahi Deus pyryhyktsa sibo nisiakzo, iwatsahi sizubarẽtsa nisibakanaha. Katsaktsa mysopyksapyrẽtsa tsimykaranaha! Sesus harere humo zuba hyỹ tsimykaranaha.

1 Korĩtios 3:19

Mybarawy ezektsa asahi: — Katsaktsa myhyrinymyrẽtsa — mybarapetu maha. Deus sisoho humo: — Ikiahatsaktsa ahahyrinymyrybyitsa. Batu amy tohi humo ahahyrinymyry — my. Deus harere papeu humo ziwatahaka: — Mybarawy ezektsa sihyrinymyrẽtsa mybarapetu sisopyk mykaranaha — niy. Iwa niy.

Epesios 4:14

Kyze Kiristu humo myspirikporẽtsa tsimykaranaha iwatsahi iharere humo myhyrinymyrẽtsa. Ihyrinymyrywy baba humo myhyrinymyrẽtsa. Ustsa mymyspihikbatakanaha zeka batu waby tsimaha. Ustsa mybarapetu mykaranaha zeka siharere humo hi batu hỹ tsimaha. Katsaktsa jabyitsa sopykbyitsa asahi paikpa mytsaty mynakaranaha. Katsaktsa Deus harere bo zuba hyỹ tsimykaranaha.

Ebereus 4:13

Deus zinyba hỹ, katsa ba ijokbyi bo zikaha. Hawa tsimykaranaha zinyba. Tsimyhyrikosokdanahaze atahi mymywaby. Tsimytsasonahaze: — O nawa ikykara — botu ziny iwaze hawa tsimytsasokonaha wasani tsimaha zeka tsihyrinymyrẽta. Iwatsahi mydiritsa watsa byitahaktsa! Deus harere bo hyỹ tsimahaktsa iwaze Deus hudikhudikwy tisapyrẽna bo tsimypupunaha