Rukas 14:1 - Rikbaktsa

¹ Mybyrykywy eze Sesus Pariseu wahoro bo nitsuk. Taparakta ypykyhyta Sesus ituk tadisahaka. Anaeze kytsa sizubarẽtsa Sesus bo nikozotoktokonaha.

Rukas 14:1 Iomraidhean Croise

Mateus 12:12

Hozipyrykzatsaktsa myraratsa zuba. Makuta Deus humo ka tsipokzitsiarẽta. Iwatahi kytsa pitsumuẽhĩ. Nawa puruze tahabyi mopykyryk kytsa mysitsumuẽhĩnaha zeka wasani my — niy.

Marakos 3:2

Pariseutsa Sesus bo nikozotoktokonaha. Sesus nizokparakanaha iwatsahi iktsaziu nikaranaha: — O mybyrykywyze ja hawa pizororowy — mytsaty nikaranaha. Sesus soho iharerewabymybarakanaha. Sesus Moises harere bo batu yhỹ nizihikiknaha iwatsahi pykyhytu ibo iktsaziu nikaranaha.

Rukas 11:37

Sesus nipamykysobaze Pariseu ziakzoko: — Kawahoro bo tsikadisahakta! — niy. Yhỹ niy. Sesus iwahoro bo nitsuk. Idisahawyzozowy baze nidyhyky. Pariseu Sesus bo nikozotoktoko. Sesus itsyhyrype pikihibyita tu tadisahaka. Iwatahi ibo nikozotoktoko.

Rukas 14:2

Iwaze maku Sesus bo izumu. Tsimyitsapyrẽta. Natsipatsawiwibaik tahi ihyrypyrytsa humo kino niwatihi iwatahi asiba nira. Kytsa Sesus bo nikozotoktokonaha. — Tozeka ja mybyrykywy eze Sesus pizororowy — mytsaty nikaranaha.

Rukas 17:20

Kyze Pariseutsa Sesus pe nikaranaha. — Hawaze sa kytsa Deus tyryktsa moziknaha niaha. Nawa puruze Deus tyryktsa mozumunaha — niaha. Sesus ispe niy: — Deus tyryktsa bo ka ba zikozonaha. Kytsa iwatawy piberikinaha zeka ba zikozonaha niy.

Rukas 20:20

Iwatsahi kytsa Sesus bo nisipehakanaha. Kytsa — O Sesus myhyrinymyrykytsa! — mybarapetu nikaranaha. Asaktsa siharerewabymybarẽtsa. Kytsa Sesus nizokparakanaha iharere ziwabytoktokonaha. Bykyze isoho humo — “O atakta batu imysapy” maha hi — nizihikiknaha. Iwatsahi ispehatsa bo pioktyhyryknaha.

Rukas 6:7

Kytsa taparaktsa zinymyrykynahatsitsa, Pariseutsa kino niwatihi Sesus bo iktsaziu nikaranaha. Ibo nikozotoktokonaha: — O mybyrykywyze hawa pizororowy ja — nikaranaha. Hawa Deus sohokotsa botu ziwatahakanahatsa siharere bo ka Sesus batu yhỹ my nizihikiknaha.

Suão 3:1

Unata eze Nikodemus inarokota Sesus bo zumu. Taparakta Pariseutsa Sudeutsa niy. Atahi unata wahoro hara bo nidoko. Atahi: — O myhyrinymyrytsa! Ikia mopyktsa babata tsihyrinymyrẽta. Deus zikwy ty kytsa bo tsipiwatawyky. Ikia zuba Deus harere bo hyỹ tsimykara iwatahi Deus zikwy ty mybo tsipiwatawyky. Iwaze katsa tsimytsasokonaha Deus ikia zapehaka tsimykaranaha — niy.

Atos 5:34

Niytahi maku estuba rikto niy. Estuba kytsaharerewabytsitsa tu niy. Pariseu niy. Pariseutsa Deus harere nisihyrinymyrykynaha. Kamarieu inarokota. Serusarẽhe ezektsa ihumo siharereziurẽtsa nikaranaha. Iwaze itukytsa bo nitsasoko: — O katukytsa sakzohotsa ty ka isty sukespyk tsimaha. Iwaze katsa zuba tsimypamykysonaha — niy. Yhỹ nikaranaha. Sakzohotsa ape bo nisisukehiknaha. Iwaze Kamarieu kytsaharerewabytsitsa bo nitsasoko. Atahi: