Mateus 4:25 - Rikbaktsa

²⁵ Sizubarẽtsa Sesus hapik niukurunaha. Karireja ezektsa, Dekaporis ezektsa, Serusarẽhe ezektsa, Sudeja ezektsa, buburu Sorodão koiknyktsa iwatsa sizubarẽtsa Sesus hapik niukurunaha.

Mateus 4:25 Iomraidhean Croise

Mateus 12:15

Siharere soho humo tsihyrinymyrẽta iwatahi ana ekze kuorẽ niy. Kytsa sizubarẽtsa iapik niukurunaha. Asaktsa simyitsapyrẽtsa nisizororowyba.

Mateus 19:2

Kytsa sizubarẽtsa iapik niukurunaha, asaktsa simyitsapyritsa nisizororowyba.

Mateus 4:15

— O Seburõ ezektsa, Napatari ezektsa myzubaha pihikzotsabyri ezektsa Karireja ezektsa, buburu Sorodão sak ezektsa asaktsa Sudeutsabyitsa iwa sizubarẽtsa tapara simysapybyitsa humo batu siaku. Kytsa watsa miwa eze pyik pyik nikaranaha asahi niwatihi sihyrinymyrybyitsa tu abaka Deus sibo zumu. Atahi situk mynapykyryk iwatsahi sakurẽtsa mykaranaha. Kytsa okoro hyritywaha moziknaha sihyrinymyrẽtsa — niy. Iwa Isaijas tubabatu ziwataha. Sesus Karireja boze anaharere atsatu niy.

Mateus 5:1

Kyze Sesus myzubaha bo iktsa niyze hara bo nido. Anaeze tadyhy zinymyrykynahatsa ibo zumunaha.

Mateus 8:1

Kyze Sesus hara jobonita ikny inasikze myzubaha iapik niukurunaha.

Marakos 5:20

Hyỹ niy. Ziksizo. Itukytsa Sesus soho ty nipamykysoko. Nanabyitaba hudikhudikwy mytsyhyrytsawa bo Sesus soho ty nipamykysoko. — O abaka ikzororo. Sesus zikzororowy — nikara. Sizubarẽtsa paikpa iktsa nikaranaha. — Amo skaraba! — niaha.

Marakos 6:2

Nawa zuruze tabyrywy eze Sudeutsa wahoro bo zumubanaha. Anaeze kytsa nisihyrinymyrykyze sipybyrẽtsa nikaranaha. Ihyrinymyrywy ziwabynahaze nipybybaiknaha. Asa hi: — Atakta hawa sa zinymyryky. Hawa myhyrinymyrywy baba sa. Aty sa zispirikpoko. Amy ty kytsa batu zikaha ana ty hi mykara, aty sa zikwy ituk mynapykyryk.

Marakos 7:31

Kyze Sesus Tiro ikny niparakze. Sidõ bo nio kyze Dekaporis ziharamu Karireja pihikzotsabyri bo niy.

Rukas 6:17

Sesus hara zikarape bo zinymyrykynahatsa tuk nisik. Amytsĩ eze pykpyk niaha. Iwaze sizubarẽtsa Sesus bo izumunaha. Sizubarẽtsa ituk niukurunahatsitsa Sesus bo izumunaha. Sudeja ezektsa, Serusarẽhe ezektsa, Tiro ezektsa, Sidõ ezektsa, iwatsa izumukunaha.

Rukas 6:19

Myzubaha Sesus zibyby tsihikiknaha. Iwatsahi Sesus zikwy humo nizororokonaha. Deus harere humo nisizororoko. Sesus zikwy humo nisizororowyky.