Mateus 27:24 - Rikbaktsa

²⁴ Kytsa sizubarẽtsa asiba niharapehudidunaha iwaze Piratus harere batu siwabyhy ana humo hi tsipybyrẽta. Iwaze pihik ty tatsyhyrype pikik. Sizubarẽtsa okzeka tatsyhyrype pikikze atahi ispe niy: — Atakta maku tsimysapyrẽta. Iwatahi tsipibezenaha zeka batu kamyzihik ikiahatsa zuba “tsibezenaha” — niy.

Mateus 27:24 Iomraidhean Croise

Mateus 26:5

— Mymyikaha eze tuze Sesus ba zibezenaha, kytsa pokso mypybyrẽtsa. Tabeze zeka nawa puruze kytsa mymybabanaha, sizubarẽtsa moakmyinaha — niaha.

Mateus 27:19

Piratus kytsa harerewabykywy eze nidyhyky. Kyze ioke mysohokotsa zipeha. Atahi: — O aoke tihi “Unata Sesus soho zitsotospykze. Atakta tsimysapyrẽta. Batu imyi. Mybara botu sapy ty katsotyspyk humo mytsatyziu tsimykara” niy.

Mateus 27:23

— Hawa niyta sa tsipibeze tsihikiknaha. Batu imyiki — niy. Kytsa aparakbaha: — Tabezekta! — kazi nikaranaha.

Mateus 27:4

Atahi: — Utakta kamyspihikbatakanikita Sesus tsimysapyrẽta aba kytsa pibezenaha — niy. Kytsa ipe: — Hawa tsiky ana humo hi batu mytsaty. Hawa tsiky ikia hi ana humo mytsatyziu tsimykara — niaha.

Mateus 27:54

Kyze sodadutsa Sesus ziharaperykynaha. Wytyk nidydykyze sipybyrẽtsa. Hawa sa nikaranaha niakozonahaze sipybyrẽtsa: — O atahi Deus tse babata — niaha.

Mateus 27:9

Ana ty hi niahaze Deus sohokotsa Seremias tubabatu ziwatahaka atsatu my. Ta tihi: — Okyrysaro ty okyrysaro parata hi zibykyknaha, ana kino Sudeutsa ihumo zihuaknaha, kyze itsuhuk ty bo ziaksehyk niaha.

Suão 13:9

— Tsipikpyrytsapik zuba taziwazy. Katsyhyrypetsa tuk tu iwaze kaharek tuk tu tsimy hỹ — niy.

Suão 19:4

Iwaze Piratus zoizo. Kytsa pe niy: — Iktsa tahaktsa. Ikiahatsa boktahi myzioktyhyryk. Atakta batu amy tohi nikara batu ziky — niy.

Atos 3:14

Ikiahatsa batu ba. Sesus imysapyrẽnikita. Atahi Deus harere bo hyỹ ziknakara. Piratus okzeka ahamyhareresapybyikitsa tsikykaranaha.

2 Korĩtios 5:21

Kiristu batu imyi ana humo hi ahahyrinymyrẽtsa. Katsa mysapybara ty ana hi Kiristu ziaksehyryk niy. Nihyrikosokdaze mysapybara huak ty ziakse niy. Iwaze mysapybyitsa ty tsikykaranaha Deus mymyokzohik abaka hana bo ja. Iwatsahi katsaktsa Kiristu tuk tsimyzurukunaha zeka isopyk watu tsimykaranaha iwatsahi Deus okzeka mysapyrẽtsa tsimoziknaha. Katsa meky watu tsimoziknaha. Iwa hỹ.

1 Peduru 3:18

Kiristu soho bo mytsatyziutaha! Hawa nihyrikosokda mytsatyziu tsimaha. Mypokzitsikitsa mysapyzeky nihyrikosokda. Estuba zuba nihyrikosokda iwaze Deus mysopyksapybyitsa tsikykaranaha Kiristu humo mymyokzohik. Kiristu imysapyrẽnikita tuze siharereziubyitsa sapyzeky nihyrikosokda. Iwaze Deus bo mymyoktyhyryk. Mybarawy boze isukyrytsitsa inury zibezenaha. Deus zihyrizikpowy.