Mateus 27:12 - Rikbaktsa

¹² Ziknapamykysokonahatsa taparaktsa kapitaõtsa kino niwatihi nitsasokonaha: — Atakta zisapybyiki — nikaranaha. Sesus sibo batu harere. Tahabyi ziwaby zuba.

Mateus 27:12 Iomraidhean Croise

Mateus 26:63

Batu harere, tahabyi pyk zuba niy. Iwaze ziknapamykysokota tihi: — Deus okzeka atahi aharere piwabyky hawa Sesus. Ikiahi ja Deus zapehata. Ikia ja Deus tse — niy.

Mateus 27:13

Iwaze Piratus ipe niy: — Siharere ty sa batu waby. Amo sa batu mysapy asoho nitsasokonaha. Iwa sa wasani — niy.

Mateus 27:14

Batu harere. Iwatahi Piratus tsipybyrẽta nikara iwatahi: — O amo skaraba batu harere ziky, batu aokani — niy.

Atos 8:32

Etiopia ezekta papeu zinyky. Isaijas Deus sohokotsa tubabatu ziwataha: — Hawa hozipyrykza batu kaka ziky. Zioktyhyryknahaze pibeze naha humo batu kaka ziky. Izi zipurukunahaze batu kaka niy. Atahi hozipyrykza wata. Batu tyso iwatahi hozipyrykza wata. Zisukyrykynahaze iwatatu batu tyso. Kytsa batu ibo wasani nikaranaha.

1 Peduru 2:23

Ustsa ihumo siharerewabymybarẽtsa atakta sibo batu harere. Kytsa zimyijakanahaze batu taty tsapusare niy. Tasukyritsitsa ty batu tyso: — Ikiahatsa tsipiksapybyrikinaha iwatahi sinini tsimaha iwa mozihikik — my. Iwa batu tyso. Atahi: — O Deus ikia kahumo tsipikpokzitsiki kahyrinymyrẽta. Ikia hi wasani tsimykara. Kasukyritsitsa bo wasani tsimykara — niy. Iwa Deus bo nitsaso.