Mateus 22:43 - Rikbaktsa

⁴³ Sesus: — Iwa zeka amy humo sa Dawi Deus hyrikoso humo ipe: “Kapehatsa.”

Mateus 22:43 Iomraidhean Croise

Marakos 12:36

Tubabatu Dawi Deus hyrikoso humo nitsaso. Deus pehatsa pe: “Kapanuryk taba dyhyty! Bykyzehu utakta Deus asukyrytsitsa apyrytsa pukezi typykyk apokso sipybyrẽtsa” niy. Iwa Dawi Deus hyrikoso humo ziwatahaka.

Atos 1:16

— O katukytsa, wabytahaktsa! Tapara nihyrikosokdata kadiri Dawi Sudas soho botu ziwataha. Deus hyrikoso humo Dawi Sudas soho ziwatahawy. Tubabatu Samo papeu humo ziwatahaka. Ana hi Dawi botu ziwataha atsatu Sudas nikara — niy.

1 Korĩtios 12:3

Abaka meky watu tsimaha. Ikiahatsa kytsa bo iktsa tsimykaranaha. Asahi: — Hawa tsimykaranaha zeka Deus hyrikoso mytuk mynapykyryk ihumo zuba tsinakaranaha — nikaranaha. Ata my zeka: — Sesus kapehakatsa my — Deus hyrikoso humo Sesus soho myharereziuwy. Ustsa Sesus soho humo myzisapybyrikinahaze asahi Deus hyrikoso ba situk mynapykyryk simyspihikbatanikitsa maha. Asaktsa Deus hyrikoso situk mynapykyryk tsinymyrykynaha. Asa kino niwatihi simyspihikbatanikitsa tsinymyrykynaha. Iwatsahi ahamytsatyziuhuktsa kytsa.

Ebereus 3:7

Iwatsahi Sudeutsa siakbatsa ba siwa zikaha! Tubabatu Deus hyrikoso sisoho ziwatahaka: — Abaka kaharere tsiwabynahaktsa!

2 Peduru 1:21

Deus sohokotsa harere humo nitsasokonaha. Deus hyrikoso nisiapewywyky. Deus hyrikoso humo zuba nitsasoikiknaha.

Apokaripisi 1:10

Domiko eze Sesus inahyrizikpo mytsaty tsimykaranahaze Deus hyrikoso katuk mynapykyk. Deus hyrikoso katuk mopykyrykta tu ihumo hi tisopykziurẽta ziwabyky. Iaksoho opykaniha kasukpe baze iwaby porawy suka waha my iwaby.

Apokaripisi 4:2

Atsoko Deus hyrikoso zikykse iwaze bijoikpe bo iktsa iky. Anaeze bijoikpe eze idyhywy tisapyrẽta bo iktsa iky. Aty idyhywy bete nidyhyky tabo iktsa iky.