Mateus 11:10 - Rikbaktsa

¹⁰ Tubabatu Deus sohokotsa ziwataha. Deus tihi: “Iktsa tsimaha! Katsumuẽhĩtsa Kiristu haraze iakzohota itsyhyryze pikymy. Hawa kytsa ske buruk pizozikbanaha pykyhytuty iwata ihumo pikymy” niy. Iwa Suão Batista soho Deus sohokotsa tubabatu ziwataha, abazuba atsatu niy.

Mateus 11:10 Iomraidhean Croise

Mateus 11:11

Tsiwabytoktonaha! Kytsa sizubarẽtsa botu nipupurukuknaha Suão Batista imyhyrizikwani niy. Iwatuze aty Deus tyryktsa mozik, atahi wasania ty my zeka yhỹ my imyhyrizikwanikita mozik Suão batu.

Mateus 11:3

Iwaze Sesus bo niukurunaha. Ibo zumunahaze asa tihi: — Tapara Suão tihi: “Deus zipehata mozumu” niy. Ikia Deus zapehata ja. Usta ja tsipiperykynaha — Suão zinymyrynahatsa niaha.

Mateus 3:3

Ata soho Deus sohokotsa tubabatu ziwataha, Isaijas inarokota isoho tihi: — “Aty ja jerukbara eze huahua my. ‘Pykyhytuty Deus zipehata ske bo tsimy. Iske buruhuwa tsiskezozekta!’ ” niy. Hawa kytsa piskezokonaha iwa Suão kytsa Deus zipehata humo pikymynaha, Suão tihi kytsa simysapybyitsa tysimoewynaha iwa pikymynaha Deus zipehata humo. — Iwa Isaijas niy tubabatu ziwataha abazuba atsatu Suão Batista nikara.

Marakos 1:2

Ata hi mybarawy bo inasikta ana kino Deus sohotsa Isaijas botu ziwatahaka. Isaijas hawa niy, tubabatu ziwatahaka tahi: — Tapara katsumuẽtsa aharaze pipeha. Hawa katsa myske piskezozeke atahi aske piwatawy. Piskezozeke.

Rukas 1:76

— Ikia kaskyrywy Deus sohokotsa tsimozik. Ikia mymyoktyhyrykta haraze tsimy. Kiristu Deus bo mymyoktyhyryk.

Suão 1:23

Suão tihi: — Utakta jerukbara eze hua mykara niy. Opykani motsasoko. Hawa Isaijas Deus sohokotsa tubabatu ziwatahaka atsatu mynakara. Deus harere tsiwabyziukunahaktsa. Iharere bo hyỹ tynakaranahaktsa kytsa mykara — niy. Iwa Suão niy.