Marakos 4:9 - Rikbaktsa

⁹ Iwaha soho humo nisihyrinymyryky: — Kaharere tsiwabynaha zeka wabyziutahaktsa kytsa! — niy.

Marakos 4:9 Iomraidhean Croise

Mateus 11:15

Ana kino tsiwabynahaze wabyziutahaktsa kytsa! — Sesus niy.

Mateus 13:9

Kaharere tsiwabynaha zeka wabyziutaha! — niy.

Mateus 15:10

Kyze Sesus sizubarẽtsa bo huahua niy. Izumubanahaze ispe niy: — Wabyziutaha! Iwaze tsinymyrynaha. Amy ty maku hauk myze ana humo hi ba zikmyi. Batu disahawy humo Deus okzeka imysapybyita niyzik. Batu ba. Hawa ha ty motsasoko, iharere batu mysapy motsasoko zeka ana humo hi Deus okzeka imysapybyita mozik — Sesus niy.

Marakos 4:10

Kyze kytsa sizubarẽtsa niparaknahaze zinymyrykynahatsa wastuhu wabynahatsa ahatsa ibo zumunaha ipe niaha: — Hawa ha ty aharere ty riktsa soho tsimymywatawy — niaha.

Marakos 4:3

Ata hi: — Tsiwabytoktonahaktsa! Kyze maku waratok bo niy. Ata siriktsa nisiparikik.

Marakos 4:8

Ustsaktsa mahani. Ustsa riktsa nisiparikikze jytykziuha bo inatsukurunahaze sisapyrẽtsa. Tsiytyksapyrẽna bo natsukunaha. Niahatsahi taypykyknahaze tahasuknaha nipopokonaha. Wastuhu nisiubaranaha tirĩta riktsa. Ustsa nisiubaranaha sesẽta riktsa. Ustsa nisiubaranaha sẽ riktsa sizubarẽtsa hỹ — niy.

Marakos 7:16

Kaharere tsipiwaby tsihikiknaha zeka wabytoktotahaktsa! — niy.

Rukas 8:18

Wabyziutaha! Pinymyrytohitakta. Aty kahumo mospirikpo zeka mektsa namy ty nyny my. Aty kahumo ispirikpo zeka tsikaeni zuba pinymyryky ana hi mospiriktsokda zuba — Sesus niy.

Apokaripisi 2:11

Aty Deus hyrikoso harere piwaby tsihikik zeka atakta piwabytokto. Hawa ha ty Deus hyrikoso Sesus tuktsa bo maha tsipiwabytoktonaha! Asaktsa kaharere bo hyỹ mynakaranaha mokbabanahaze ba iwatsatu mynahyrizikponaha iwazeka ba zikhyrikosokdanaha. Kytsa abazubatsa mokbabanahaze asahi inahyrizikpo nawa tsatu katuk mynapykyryk. Atakta kasukpe baze niy, atahi — kaharere tsiwataha — iwa Sesus kape niy.

Apokaripisi 2:7

Aty Deus hyrikoso harere piwaby tsihikik zeka atakta piwabytokto. Hawa ha ty Deus hyrikoso Sesus tuktsa bo maha piwabytoktonaha! Asaktsa kaharere bo hyỹ mynakaranaha. Kahyrikoso humo sipunihikrẽtsa moziknaha wihara ty sibo nyny my. Hwi Deus ziparikik tasapy eze tu tawahi ba iharaparahuk. Ana wihara humo, Deus tuk tsimynapykyryknaha. Aty wihara pezuk zeka ba zikara. Anawahi katuk ahawahi tsimynapykyryknaha isapyrẽnikia ty ahabo nyny my” — niy. Atakta kasukpe baze niy atahi: — Kaharere tsipiwataha — kape niy. Iwa kapehawy Epeso ezektsa myspirikpokotsa bo my niy.

Apokaripisi 3:13

Aty Deus hyrikoso harere piwaby tsihikik zeka tsipiwabytoktokta. Deus hyrikoso iwa hỹ ahaspiokeketsa zeka uzuzukukwy perytsitsa pe niy katuktsa bo wabytoktonaha! Atakta kasukpe baze niy atahi — Kaharere tsiwataha — iwa Sesus kape niy.

Apokaripisi 3:22

Aty Deus hyrikoso piwaby tsihikik zeka atakta tsiwabytoktokta! Deus hyrikoso iwa hỹ ahaspiokeke zeka wabytaha Sesus tuktsa uzuzukukwy myspirikpokotsa pe niy! Atakta kasukpe baze niy, atahi — kaharere tsiwataha — iwa Sesus kape niy.

Apokaripisi 3:6

Aty Deus hyrikoso harere piwabytsihikik zeka atakta tsiwabytoktokta. Deus hyrikoso iwa hỹ ahaspiokeke zeka wabytaha Sesus tuktsa uzuzukwy myspirikpokotsa pe niy! Atakta kasukpe baze niy atahi — Kaharere tsiwataha — iwa Sesus kape niy.