Marakos 3:5 - Rikbaktsa

⁵ Iwaze Sesus sihumo takyriki. Sioktsiokrẽtsa hi sihumo tisukatsihikrẽta. Itsyhyrype noikta humo batu simypokzitsiu ana humo takyriki. Iwaze itsyhyrype noikta pe: — Atsyhyrype ty kabo nynyty — niy. Maku tatsyhyrype ty nyny niy. Atsoko nizororohik.

Marakos 3:5 Iomraidhean Croise

Mateus 12:13

Iwaze itsyhyrype noikta pe niy: — Atsipa ty kabo nynytyny — niy. Maku tatsipa ty Sesus bo nyny niy. Atsoko nizororohik. Usta tsyhyrype wata niyzik. Sesus itsyhyrype zizororowy.

Marakos 3:4

Iwaze Pariseutsa pe niy: — Hawa skaraba mybyrykywy eze ahasopyk. Mybyrykywy eze kytsa bo tsipisapybaka zeka iwaze Moises harere bo ka ja yhỹ tsimaha. Kytsa bo tsipimyiwy zeka ja wasani tsimaha. Kytsa bo tsimytsumuẽhĩ zeka ja wasani tsimaha. Maku tsipibeze zeka ja wasani tsimaha. Hawa sa mybyrywy eze ahasopyk — niy. Kytsa siharerebyitsa wa niunaha.

Rukas 13:15

Sesus ispe niy: — Ahaharawatahatsitsa! Mybyrykywy eze tarabaja tsimaha. Ikiahatsa pikuza buhu kino niwatihi isparik ikny tsipisatsuknaha. Pihik bo tysioktyhyknaha.

Rukas 17:14

Sibo nikozoze ispe niy: — Nabo tsiksizonahaktsa! Deus wahoro eze ziknapamykysokonahatsa bo tsikahawatawynaha. Ziknapamykysokonahatsitsa pahapiaksukparanaha nawa taha — niy. Yhỹ niaha. Nitururuknaha ske buruk niukurunahaze nizororobaiknaha. Kytsa tahakõrõrõtsa humo asiba nibibibanahatsa tu nizororobaiknaha.

Rukas 6:10

Sesus sizubatsa bo iktsaziu niy. Iwaze itsyhyrype noikta pe niy: — Atsipa ty kabo nynyty! — niy. Maku tatsipa ty nyny niy. Iwaze nizororohik.

Suão 9:7

Ipe niy: — Zarape Siroã inarokoha bo tyzakpikykta tsimy — niy. Siroã Sudeja harere zipehata motsaso. Iwaze ihyrizikubyrita zarape bo niparak. Taty hopik hopikby niy. Atsoko nikozo. Nizororobaba.

Homanos 11:25

O katukytsa pahahyrinymyry tsihikik Sudeutsa Kiristu harere bo batu hỹ mahaze tahaoktsĩspyknaha maha. Asaktsa Deus bo batu tyso mynakaranaha: — O katsaktsa Sesus Kiristu harere bo batu hỹ tsimaha iwa batu hỹ tsimaha — maha. Iwa tawahi batu tyso. — Deus ustsa kytsa Sudeutsabyitsa nisiwatawy. Asaktsa Deus bo mysioktyhyryknaha Sudeutsa Sesus harere bo batu hỹ zikaha. Iwa tubabatu Deus nizihikik. Ana humo hi batu myhyrinymyry. Hawa Sudeutsa Sesus harere bo hyỹ mykaranaha batu myhyrinymyry. Abaka ahabo motsasoko ikiahatsa “O katsa zuba Deus nimywatawy ihyrytsa tsimoziknaha” — iwa batu tyso. Katukytsa mypehawy mytsaty mytsaty tsimahaktsa!

2 Korĩtios 3:14

Isareu ezektsa Moises sopykwy tsikaeni zuba zinymyrykynaha. Deus harere humo tsikaeni zuba sihyrinymy. Maku wata atakta panu ty taty harasuk niy. Abaka atsatu. Deus harere sihumo tsihokdaharẽna iwatuze iharere taparaka zinymyryikiknaha anaharere humo batu sihyrinymyry. Kiristu zuba mysitsumuẽhĩ iwaze asahi iharere bo hyỹ mykaranaha zeka anaharere mypubara ty pinymyrybanaha.

Epesios 4:18

Asaktsa Deus harere bo batu hỹ niaha, iwatsahi batu sihyrinymyry. Batu ma zikaha Deus hyrinymyrywy baba humo batu sihyrinymyry iwatsahi kytsa miwa eze nizaranahatsa watsa niyziknaha. Siharerehakyrẽtsa asaktsa hawa mykaranaha batu sihyrinymyry. Deus harere humo batu sihyrinymyry, iwatsahi paikpa mytsaty mykaranaha.

Epesios 4:26

Kytsa humo ahakyri zeka niwazubakta! Haramwe junubabyizetu tynakokozonaha ahakoko byizeka Satanas harere bo yhỹ tsimykaranaha. Aty wahoro hokbowy zoksapare my zeka usta mytsuk, katsa mykoko byizeka Satanas mytuk mymykniki. Iwatsahi ahakyri byihuja.

Epesios 4:30

Iwa tsimyzurukunaha zeka Deus hyrikoso ahahumo tsakurẽta mynapykyryk. Imysapybara tyty tsimykaranaha zeka Deus hyrikoso ahahumo batu iaku. Deus hyrikoso zahawatawy iwatsahi Deus tyryktsa tsimoziknaha ahahyrinymyrẽtsa. Hawa Deus hyrikoso imysapyrẽnikita my ikiahatsa niwatihi ihumo ahamysapyrẽtsa tsimoziknaha. Ikiahatsa Deus hyrikoso tuk tsimynapykyknaha atahi bijoikpe bo mymyoktyhyryk. Deus ipe my: “Hana puruze Sesus tuktsa kabo tysioktyhyk” my. Iwaze pahaoktyhyryk. Deus bo bijoikpe bo pahaoktyhyryk hỹ.

Ebereus 3:10

Kuarẽta nityktseheze ziknasitsumuẽhĩkĩ iwatsa tu kaharere bo batu hỹ ziknakaranaha. Iwaze sihumo takyriki. Kapetu kasopyk: “O simysapybyitsa soho humo mytsaty ziknakaranaha. Kasopyk humo batu sihyrinymyry iwatsahi zikmyikinaha” iky.

Ebereus 3:17

Asaktsa jerukbara buruk niukurunaha. Isapybara ty nikaranaha ana humo hi Deus takyriki, iwatsahi jerukbara buruk niukurunaha. Kuarẽta nityktseheze ziharamuze. Anaeze sizubarẽtsa niakbanaha.

Ebereus 5:9

Atakta tsimysapyrẽta. Imysapyrẽnikita tu mybarawy ezektsa Deus bo mysioktyhyryk. Asaktsa iharere bo zuba hyỹ mykaranaha, ihumo simysapyrẽtsa moziknaha. Deus tuk tahawahi mynapykyryknaha.

Apokaripisi 6:16

Hara, haraharetsa ahatsa pe niaha: — Mybete tynatsu. Haraharetsa tynamyokpitsĩnaha. Iwaze Deus tadyhywy bete modyhykyta batu mybo iktsa ziky. Atahi kytsa zibezenahata hozipyrykza tsibik myhumo takyriki.