Homanos 12:6 - Rikbaktsa

⁶ Deus myhumo tsimypokzitsiarẽta isapyrẽnikia ty mybo nyny mynakara. Ihyriziktsokzawy humo izikwy mytuk mynapykyryk. Iwatsahi estuba estuba zuba izikwy mymypehaka ana humo kino tsimahaktsa! Wastuhutsa izikwy ty mynapykyrykze Deus wasania ty motsasoziukunaha. Asaktsa wasania ty tytsasokonaha za.

Homanos 12:6 Iomraidhean Croise

Mateus 23:34

Iwaze ustsa Deus sohokotsa ahabo myzipeha kytsa sispirikporẽtsa, sihyrinymyrykytsa iwatsa ahabo mysipehahik, pahatsumuẽhĩnaha humo. Wastuhu tsiksibanaha iharapatawyhytsa humo tsiksihyrizikiknaha iwa tsiksibanaha, ustsa Sudeutsa dyhydyhywy eze tu tsiksikikinaha. Ustsa nanabyitaba tsiksiberikinaha tsiksijakanaha. Tsiksibanaha taparaktsa watsa asahi Deus sohokotsa nisibanaha.

Mateus 25:22

Kyze ustsa itsumuẽhĩtsa ibo zumuze: “Ikia aokyrysaro ty petok miutsa kabo nyny tsiky. Uta okyrysaro petok puẽtsik ziakse abaka okyrysaro ty napetok napetok abo nynyrezo my” niy.

Rukas 11:49

Iwatahi tubabatu Deus tihi: “Kapehatsitsa, kasohokotsitsa kino niwatihi sizubarẽtsa bo nisipehaka.” Wastuhu nisibakanaha. Mektsaktsa nisisukyrykynaha.

Atos 13:1

Kyze Deus harere sohokotsitsa, Deus harere ty kytsa nisihyrinymyrykynahatsa kino niwatihi, Ãtiokia eze tu niaha. Sinaro Baranabe, Simaõ usa inarokota nioktsirõrõ, Rusio Sireni ezekta, Manae atahi Erodes tukta taypykta. Sauro iwatsa niaha. Erodes Karireja ezektsa pehatsa niyzik.

Atos 15:32

Sudas, Siras iwatsa nisihyrinymyrykynaha. Asahi Deus sohokotsa niaha iwatsahi Sesus tuktsa nisihyrinymyrykynaha. Siharere humo Sesus tuktsa batu sipyby. Sipunihikrẽtsa moziknaha. Kytsa situk niapykyrykspyknaha.

Atos 2:17

Tubabatu nihyrikosokdata Soe, Deus sohokotsa nitsasoko. Deus tihi: “Tapara mybarawy mopykze kahyrikoso myzubaha bo myzipeha. Situk mynapykyk. Isteokatsa kaharere motsasokonaha. Mykyryburuktsa mytsotospyk waha pinynaha. Sistsaikbatsa sitsotospykrẽtsa”.

Atos 21:9

Ihyryza sizapetok sizapetok aha. Sipyitsabyriza niaha. Deus harere nitsasokonahaza.

Homanos 1:11

Ikiahatsa humo kahyrizikbarẽta. Ahabo mynakozore tsihikik. Hawa Deus zikyrinymyryky atsa tu pahahyrinymyry tsihikik iwaze Sesus harere bo hyỹ tsimykaranaha hỹ.

Homanos 12:3

Deus zikwy botu katuk mynapykyryk ihyriziktsokzawy humo. Ana tarabajawy humo hi wasania ty motsasokoro. Ana humo hi ahape: — Ahatuk batu tyso “utakta abazubata” — iwa batu tyso. Ahasoho bo mytsatyziutaha! Amy ty ihokdaha byizeka anaty kino tsimahaktsa! Tarabajaziu tahaktsa. Deus hi ahyriziktsokzawy humo zahapeha. Amy skaraba ahatarabajawy Deus pahapeha, ana bo hi tsimahaktsa kytsa!

1 Korĩtios 12:18

Deus nimysuknize nanabyi meky watu nizukniki. Mynury estuba zuba.

1 Korĩtios 13:2

Deus harere sohokotsa motsasoziuikik zeka mykara. Iwaze kytsa sihyrinymyrẽtsa ana hi pinymyryba zeka hawa tsihokdaharẽna ana hi pinymyryba. Iwa zeka Sesus humo kaspirikporẽta mozik iwaze hawa kytsa zikahabara ty atsatu mykara. Iwa my zeka ustsa kytsa mysipokzitsi byizeka Deus okzeka utakta myspihikwybyita mykara.

1 Korĩtios 14:1

Deus bo mektsa harere ty tsimytsasokonaha zeka wasani, katsaktsa Deus harere ustsa kytsa bo tsimytsasokonaha zeka wasani tsimykaranaha iwahi tsimyzihikiknaha. Iwaze tyharape pokzitsikinahaktsa kytsa! Deus isapyrẽnikia ty kino niwatihi tsimyzihikiknaha! Isapyrẽnikia ty wasaniha zuba tynazihikiknaha wasaniha iharere tsimytsasonaha. Ana humo hi ipe tsimaha: — O Deus ahyrikoso mytuk mynapykyryk iwaze aharere ustsa bo tsimytsasokonaha — tsimaha.

1 Korĩtios 14:24

Deus harere tsimytsasonaha zeka iwaze sispirikpobyitsa napupunahaze ahaharere piwabykynahaze: — O katsaktsa mysapybyitsatu tsimykaranaha.

1 Korĩtios 14:29

Hawa ha Deus tasohotsa bo nitsasokonaha anahi petoktsa motsasokonaha. Tozeka ja harakykbyihitsa. Ustsa siharere ziwabyziukunahaktsa! Asahi: — O anahi ja Deus hyrikoso mybo motsasoko. Iharere baba ja — maha. Iwa isohotsitsa harere bo mytsatyziutaha.

1 Korĩtios 7:7

Utakta kasukzahukbyita. Kaokzeka ikiahatsa ahasukzabyitsa my tisapyrẽna my. Asukzahukbyita zeka Deus patsumuẽhĩ wasani tsimyzuruku. Ustakta batu. Atakta isukzabyita zeka tsihokdaharẽna. Wytykyryk mysipyriry zeka imysapybyita mykara. Iwatahi Deus ata pe my: — Tsikasukzakta! Niwahi mozihikik — my. Iwa my.

2 Korĩtios 8:12

Ahakurẽtsaktsa! Katsaktsa myokyrysaro ty nyny tsimyzihikiknaha zeka ana kino Deus okze wasani my. Myokyrysaro tsikaeni zuba tsimaha zeka iwaze ustsa bo tsipinynynaha zeka ana kino Deus okzeka wasani my. Iwatahi aty nyny myzeka Deus hyỹ my. Mybaze byizeka Deus batu mype ziky: — Ustsa bo tsipinyny tsihikiknaha zeka ana kino kaokze wasani — my.

Epesios 3:5

Deus Sudeutsabyitsa soho mozihikik kytsa batu sihyrinymyry. Aba zuba Deus ykzohotsa bo, isohotsitsa iwatsa taharere soho ihyrikoso humo nisihyrinymyryky hỹ.

Epesios 4:11

Atakta Kiristu wastuhu kytsa nisiwatawy. Ispe niy: — Ikiahatsa kakzohotsa tsimaha iwatsahi Deus wasania ty tytsasonaha kytsa tysihyrinymyry — niy. Kytsa Sesus humo sispirikpobyitsa bo Deus wasania ty motsasonaha. Iwa Deus tuk mynapykyknaha iharere humo sispirikporẽtsa moziknaha. Nanabyitaba Deus wasania ty tsimytsasonaha. Ustsa kytsa nisiwatawy. Ispe niy: — Ikiahatsa Deus sohokotsitsa kaharere Sesus tuktsa bo tytsasokonaha — niy. Ustsa kytsa niwatihi nisiwatawy. Ispe niy: — Ikiahatsa wasania ty ziknapamykysokonahatsa tsimaha. Nanabyitaba sizubarẽtsa bo wasania ty tsimytsasonaha — niy. Ustsa kytsa niwatihi nisiwatawy ispe niy: — Ikiahatsa tsinymyrykynahatsa Sesus tuktsa tysihyrinymyry. Tysisapywykynaha sihumo tynasipokzitsikinaha — niy. Iwa my.

Piripẽses 3:15

Iwatsahi katsaktsa Sesus Kiristu harere bo hyỹ tsimykaranaha ihumo myspirikporẽtsa hỹ iwatsahi mytsaty tahaktsa! Aty mektatu mytsaty my zeka Deus anahumo pahahyrinymyry. Nawaha ty wasani my Deus hi pahahyrinymyry.

2 Peduru 1:20

Deus sohokotsa iharere ty zuba ziwatahakanaha. Hawa mykara ana kino ziwatahakanaha. Deus hyrikoso humo pykyhytutaha ziwatahakanaha. Katsa niwatihi tsimypamykysonaha, Deus hyrikoso humo zuba tsimypamykysoziukunaha.