Homanos 12:16 - Rikbaktsa

¹⁶ Kytsa sizubarẽtsa tysipokzitsikinahaktsa! Tyhapepokzitsikinahaktsa! Sinamybyitsa kino ahaharereziuwytsa moziknaha. Batu tyso: — Katsaktsa myhyrinymyrẽtsa — iwa batu abazubatsa tsimaha.

Homanos 12:16 Iomraidhean Croise

Mateus 11:5

Sihyrizikubyitsa myhyrizikzororonaha. Siekbyritsa pitabakanaha. Kytsa sakõrõrõtsa humo nibibibaiknahatsa mozororobaiknaha. Siharawitsa piwabykynaha. Niakbakanahatsa inahyrizikponaha atsatuzo niaha. Asaktsa sinamybyikitsa Deus wasania ty piwabykynaha, Deus wasania ty sibo motsasoko. Iwa Suão bo typamykysonaha — Sesus niy.

Mateus 26:11

Sinamybyikitsa ahapauk baze mynapykyryknaha. Tysitsumuẽhĩekiknaha zeka wasani my. Utakta ahatuk batu mopykyryk kabo ka ba nyny zikaha.

Rukas 14:13

Ikia tsipamyikaha zeka sinamybyikitsa ty siekbyritsa ty sihyrizikubyitsa ty iwatsa zuba tynasiakzo.

Rukas 6:20

Sesus tuk zinymyrykynahatsa bo iktsaziu niy. Sakurẽnikitsa soho nitsasoko ispe niy: — Ahakurẽtsaktsa ikiahatsa batu amy tohi tsimaha. Ahanamybyitsa Deus tyryktsa tsimoziknaha — niy.

Atos 4:32

Sesus tuktsa atsatu mytsaty nikaranaha. Sihyrizikporẽtsa nikaranaha. Batu aty tohi: — O naka kanamy zuba — niy. Batu sisorek. Tahanamy ty nyny nikaranaha. Tahanamy zibiakaknaha.

Homanos 11:20

Wasape tsimytsasokonaha wasape my. Sudeutsa hwisarapatsa sikakarehetsa watsa Sesus harere bo batu hỹ zikaha. Ikiahatsa hi sisapy tsipiaksenaha. Sesus harere bo hyỹ tsimykaranahaze ana humo hi sisapy tsipiaksenaha. Pykyhytutaha kytsa! Batu tyso: — Katsa zuba Deus hyrytsa tsimaha — iwa batu tyso. Pykyhytutaha! Sesus harere bo zuba hyỹ tsimykaranahaktsa batu pyk zikaha!

Homanos 11:25

O katukytsa pahahyrinymyry tsihikik Sudeutsa Kiristu harere bo batu hỹ mahaze tahaoktsĩspyknaha maha. Asaktsa Deus bo batu tyso mynakaranaha: — O katsaktsa Sesus Kiristu harere bo batu hỹ tsimaha iwa batu hỹ tsimaha — maha. Iwa tawahi batu tyso. — Deus ustsa kytsa Sudeutsabyitsa nisiwatawy. Asaktsa Deus bo mysioktyhyryknaha Sudeutsa Sesus harere bo batu hỹ zikaha. Iwa tubabatu Deus nizihikik. Ana humo hi batu myhyrinymyry. Hawa Sudeutsa Sesus harere bo hyỹ mykaranaha batu myhyrinymyry. Abaka ahabo motsasoko ikiahatsa “O katsa zuba Deus nimywatawy ihyrytsa tsimoziknaha” — iwa batu tyso. Katukytsa mypehawy mytsaty mytsaty tsimahaktsa!

Homanos 12:3

Deus zikwy botu katuk mynapykyryk ihyriziktsokzawy humo. Ana tarabajawy humo hi wasania ty motsasokoro. Ana humo hi ahape: — Ahatuk batu tyso “utakta abazubata” — iwa batu tyso. Ahasoho bo mytsatyziutaha! Amy ty ihokdaha byizeka anaty kino tsimahaktsa! Tarabajaziu tahaktsa. Deus hi ahyriziktsokzawy humo zahapeha. Amy skaraba ahatarabajawy Deus pahapeha, ana bo hi tsimahaktsa kytsa!

Homanos 15:5

Deus bo ahatsyhyryze mopamykysoikik ipe mykara: — O myzo ikia zuba tsimymypunihikwyky, ikia zuba tsimymozikwyky, ana kino Homa ezektsa bo nyny tsimy. Hawa mozihikiknaha zeka estuba zuba wata moziknaha, ikia humo mysitsumuẽhĩkĩ iwa tsimy. Nizihikiknahatsa hi Sesus Kiristu wata maha. Hawa Sesus Kiristu zikzuruku asa kino niwatihi iwata mozurukunaha — iwa Deus bo ahatsyhyryze mopamykysoko.

Homanos 6:2

Nawa batu tyso. Nihyrikosokdata batu amy tohi ty ziky. Iwatsa katsa Sesus Kiristu harere bo hyỹ tsimykaranaha zeka mysopyksapybyitsa tu tsikykaranaha batu tsihik.

1 Korĩtios 1:10

Hawa Deus mytsaty mykara naha atsatu mykara iwaze pahatsumuẽhĩ. Atahi zahawatawy Sesus Kiristu tuk tsimyzurukunaha iwatahi pahatsumuẽhĩ. Deus tse Sesus Kiristu kino mypehakatsa my iwaze Deus harere bo hyỹ tsimykaranaha.

1 Korĩtios 3:18

Kyze batu zikaha pe spihikbatanaha. Batu tyso — Katsaktsa myhyrinymyrẽtsa. Sispirikpobyitsa okzeka myhyrinymyrẽtsa hỹ — mytsaty ahabyitsa tsimaha. Ahaharere ty pyktaha. Ahaokze ka ahahyrinymyrẽtsa watsa Deus okzeka batu wasani tsimaha. Ahaokze ahahyrinymyry byitsa eze ka Deus okzeka ahahyrinymyryrẽtsa tsimaha.

1 Korĩtios 4:10

Sispirikpobyitsa mysoho tihi: — O asaktsa Kiristu pokzi sityrykmyitsa mykaranaha. Ikiahatsa ahahyrinymyrẽtsa — tsawatsa mytsaty ahabyitsa tsimykaranaha. Kiristu humo ahaspirikpobyitsa iwatsahi ikiahatsa tihi: — O Katsaktsa mypunihikrẽtsa, ikiahatsa myokzeka batu ahapunihiktsa — mytsaty ahabyitsa tsimykaranaha. Ikiahatsa ahamyharerewabyrẽtsa katsaktsa batu. Katsaktsa batu mykparawy. Iwa mytsaty ahabyitsa tsimykaranaha. Hawa mytsaty tsimykaranaha batu wasani my.

1 Korĩtios 6:5

Ahasikpybyrẽtsa! Ikiahatsa ispirikpobyita bo zeka ahasikpybyrẽtsa! Ahatuk estuba zuba ipehawy wasani my. Tozeka ja sizubarẽtsa ispehawy wasani maha. Iwa hỹ iky. Sihyrinymyrẽtsa hỹ. Asahi tsimyhapepehaĩnikitsa soho mytsatyziu maha, ikiahatsa ahatukytsa tsimaha. Iwa tsihokdaharẽna ja.

1 Korĩtios 8:2

Wastuhu ahatuktsa: — Katsaktsa tsinymyrybanaha. Myhyrinymyrẽtsa hỹ — tsikaha. Deus okzeka batu. Ahape tu tsimynakaranaha humo iwaze batu ahahyrinymyry tsimaha.

2 Korĩtios 13:11

O katukytsa kawatahaha ahabo asiba nepyk. Ahamysapyrẽtsa tynakaranahaktsa kytsa! Kaharere bo wabyziutaha. Tyharape pokzitsikinahaktsa! Sesus tuktsa atsawatu mytsaty tsimykaranaha. Ikiahatsa tuk yhỹ tsimykaranaha. Iwaze Deus ahahumo tsimypokzitsiarẽta, atahi pahahyrinymyryky ihumo ahakurẽtsa tsimoziknaha. Deus ahatuk tawahi mynapykyryk hỹ.

Piripẽses 1:27

Kyze Sesus Kiristu harere bo hyỹ tsimaha ahaspirikporẽtsaktsa! Iharere bo zuba hyỹ tahaktsa kytsa! Kyze ahabo mynakozore zeka, kaku zuba piwabyky. Ahabo zuk byizeka, kytsa ahasoho kabo motsasonaha: — O Sesus tuktsa Piripos ezektsa wasani mykaranaha. Asaktsa atsa botu mytsaty mykaranaha. Iwaze Sesus harere bo tarabaja ziknakaranaha. Tyharape tsumuẽhĩkĩnaha. Sesus harere bo hyỹ mykaranaha iwatsahi ihumo sispirikporẽtsa Deus wasaniha humo tarabajaziu ziknakaranaha — mykaranaha. Iwa ahasoho ty mopamykysonaha.

Piripẽses 3:16

Hawa Kiristu sopyk humo yhỹ tsikykaranaha atsatu iharere bo hyỹ tahaktsa kytsa!

Piripẽses 4:2

Kyze utakta: — O wytykyryk Eudia, Sĩtike ahaza wabytoktotahatsa! Tyharape pokzitsinahaktsa! Ikiahaka ahatukytsa Sesus Kiristu humo ahaspirikporẽza iwazahi Sesus harere bo yhỹ tahaktsa! — mykara.

Ebereus 13:5

Ahaokyrysaro soho bo ka mytsaty mytsaty byitahaktsa! Ahanamy humo ahakurẽtsa ana kino tsikaeni zuba tuzihikiknaha! Deus hi ahape my: — Utakta ahapok baze tu mynapykyryk, ikiahatsa kakparawy iwatahi ba zahaerek — my. Iharere humo ahakurẽtsa hỹ. Deus ahasoho humo ba zikspiriktsokda.

1 Peduru 3:8

Kyze sizubarẽtsa bo kapehawy motsasoko. Astsa botu mytsaty tsimykaranaha! Tyharape pokzitsinahaktsa! Ustsa tahatsumuẽhĩnaha. Asa zuba batu tyso — uta zuba wasani — kasopyk iwa batu tyso. Tyharape pokzitsikinahaktsa!

1 Peduru 5:3

Isty ykzo ykzo byitaha. Isty betsak betsak byitaha sihumo tysipokzitsikinaha. Wasani tsimykaranaha. Iwa tsimyzurukunaha zeka ahawatsa wasani mykaranaha niwatihi. Pahasopykziukunaha. Asa hi: — Myspirikponahatsa simysapyrẽtsa astsatu tsimyzurunahaktsa kytsa — maha.

3 Suão 1:9

Uta papeu humo tsikaeni zuba sikypykykwy bo iwatahaka. Dioterepes kaharere bo batu hỹ niy. — O utakta Sesus tuktsa pehatsa myhyrizikwanikita mozik — niy. Atakta kaharere bo batu yhỹ aha.