Ebereus 7:18 - Rikbaktsa

¹⁸ Asaktsa Moises harere bo yhỹ nikaranaha batu sipunihik, ana harere humo aparakbaha Deus bo ba ziksioktyhyryk. Iwatahi Deus hi: — Moises sopyk humo ba tsimyzurukunaha. Kaharere, abaka humo zuba hyỹtahaktsa kytsa! — Deus niy.

Ebereus 7:18 Iomraidhean Croise

Atos 13:39

Sesus humo zuba ahaspirikporẽtsa zeka Deus pahaokzohik.

Homanos 3:31

Wastuhu kytsa ahatukze: — Katsaktsa Moises sopykwy “O iharere mybo batu imysapy” tsimaha — iwa batu tyso, Sesus harere bo hyỹ tsimykaranahaze Moises sopykwy humo niwatihi tsimyziwabykynaha.

Homanos 8:3

Katsaktsa mypunihikbyitsa tu Deus harere bo batu yhỹ tsimykaranaha. Iwatsahi Deus okzeka batu imysapy hỹ, iharere bo ka batu hyỹ ziknakaranaha. Iwaze Deus tatse mybarawy bo zipeha, mywata niyzik. Atahi tsimysapyrẽta mybarawy bo inasik mywata niyzik. Ata zuba mybarawy ezektsa tuk imysapyrẽnikia ty ziknakara. Iwatahi mysapyzeky nihyrikosokda. Mysapybyikitsa tu tsikykaranaha iwatahi nimysapyzeky abaka izikwy humo mysapybyikitsa tu tsikykaranaha tsimoewynaha. Ihumo batu mymyi.

Karatas 3:15

— O katukytsa hawa tsimyzurukunaha humo motsasoko. Kytsa petoktsa astsatu mozihikiknaha anasoho papeu humo piwatahakanaha. Zikspiriktsokdanaha bara ty hi petoktsa naro ziwatahakanaha. Iwaze batu aty tohi papeu humo ba zimyi. Estuba zikino batu arek ziky. Ustsa harere papeu humo piwatahaka batu ziky. Hawa ziwatahakanaha anatyzuba mykaranaha.

Karatas 3:17

Nawa ha ty motsasoko pahahyrinymyry. Tubabatu Deus Abarão bo nitsasoko. Ipe niy: — O ikia pasapywyky. Kaharere humo yhỹ tsimy hỹ — niy. Iwaze kwatero sẽtos terĩta niytyk tseheze Deus Moises bo iharere nitsasoko. Nawa ha ty Deus Abarão pe wasani my. Nawa ha ty Deus Moises pe wasani my. Petoktsa hatsa bo nitsasoko. Tapara Deus Abarão pe niy: — O ikia pasapywyky — niy. Iwaze usta harere Moises bo nitsasoko taparaky harere batu meky watu ana kino tapara tu ituk nitsasoko.

Karatas 3:21

Kyze kytsa tahapetu sisopyk: — O Moises Deus iwatahaka zika Deus harere meky watu ja. Katsa Deus tuk mywahi tsinapykyryknaha Moises watahaha humo ja ana humo hi tsimykaranaha — maha. Batu ba. Moises watahaha bo hyỹ tsimahaze batu mysapy tsimoziknaha. Iwa hỹ.

Karatas 4:21

Aty zeka: — Utakta Moises harere ibyky bo yhỹ mozihikik iwatahi Deus okzeka kamysapyrẽta mozik — my. Ikiape my: — O Moises harere ibyky tsiwabyziuku — my.

Karatas 4:9

Abaka meky watu. Deus humo ahahyrinymyrẽtsa. Deus hiba zahany, iwatuze hawa skaraba deustsabyitsa harere bo yhỹ tsimykaranahazo. Siharere humo ahabyitsa tu ana humo hi tsimyzihikikzonaha.

1 Timoteo 4:8

Ahanury humo ahapaikrẽtsa zeka wasani my. Tsimyzibyituhukutu zeka Deus harere humo hyỹ tsimykaranaha zeka wasani hỹ tsimy. Iharere bo hyỹ tsimykaranaha zeka wasani my iwa zeka tsimyzurukunaha. Bykyze tsimyokbabanaha zeka Deus tuk mywahi tsimynapykyryknaha. Ituk tsimynapykyryknaha myspituzo tsimaha.

Ebereus 13:9

Ustsa kytsa siharere pahahyrinymyrykynaha zeka siharere meky watu maha. Deus harere humo batu zahahyrinymyry. Mydisahawy soho humo pahahyrinymyrykynaha. Pahaspihikbatakanaha. Siraratsani tsimymydisahakanaha zeka wasani my. Siraratsani ty hauk ahabyizeka wasani my. Deus harere humo zuba mysapyrẽtsa tsimoziknaha atahi mymysapywyky hỹ.

Ebereus 7:19

Moises sopykwy humo ba mysapytsa zikyziknaha. Sesus hi Deus bo mymyoktyhyryk ata humo hi Deus okzeka mysapyrẽtsa tsimoziknaha, iwatsahi taperykynaha.