Ebereus 12:5 - Rikbaktsa

⁵ Deus harere bo mytsatyziutahaktsa! Iharere papeu humo botu ziwatahaka iwa niy. Deus tahyrytsa humo nawa isopyk iwatahi botu ziwatahaka: — Kahyrytsa pahasininiwyky zeka tsiwabytoktonahaktsa! Ikiahatsa sinini tsimykaranaha ana humo hi tsinymyrykynaha. Utakta pahapehahikze tubyizuba taha!

Ebereus 12:5 Iomraidhean Croise

Rukas 24:6

Kytsa ispe niaha: — Amo skaraba siakbatsa ytyk botu ispita tsipiberikinaha inahyrizikpo. Batu aty tohi tykarezeka. Hana bo ja. Mytsatytaha!

Rukas 24:8

Niahaza hi Sesus harere bo mytsaty niahaza hi iytyk ekze puke puke niaha.

1 Korĩtios 11:32

Deus hi mymyspirikpowyky. Iwatsahi tsimysapybyikinaha zeka mymyitsapyrywy. Iwatsahi Sesus humo sispirikpobyitsa tuk ba sinini ykarawy bo ba zikmypeha. Botu iharere humo hyỹ tsikaha.

Karatas 6:9

Iwaze tysapywykynahaktsa! Ahazikarabyitsa tu tsipisapywykynaha iwaze Deus isapyrẽnikia ty ahabo nyny mykara. Iwatsahi mykurẽtsa tsimaha.

1 Timoteo 1:20

Situk tu makutsa petoktsa maha. Estuba Himeneu inarokota usta Aresãdere inarokota. Iwaze ispe iky: — Ikiahatsa Satanas harere bo yhỹ tsimykaranaha. Atahi za ahapehatsa mozik — iky. Iwa nitsasoko. Deus soho zisapybyrikinaha, kaharere humo mopyk tsihiknaha iwatahi iksibetsakak. Deus soho humo batu zikaha iwatahi iksibetsakak tozeka ja aibani Sesus humo mospirikpozonaha iwa mytsaty iky.

Ebereus 12:7

Iwaze sinini tsimykaranahaze ahakubyrisoroktsaktsa! Sinini tsimahaze ahatuktu tsimaha: — O myzo bijoikpe eze tu mysapyrẽtsa tsimoziknaha iwahi mozihikik, iwatahi pahasininiwyky — tsimaha. Katsa myhyrytsa pimyinahaze mytaharapehanaha, Deus mykara nawatihi.

Ebereus 13:22

Kyze katukytsa kaharere tsiwabytoktonahaktsa! Utakta pahakusukniki iwatsahi ikiahatsa Sesus tuktsa babatsa tsimoziknaha ana humo hi papeu humo ahabo piwatahaka. Kahumo ja ahakubyrisorokok kawatahaha pykyhytu tsipinymyrynaha. Kapapeu humo jokboha zuba iwatahaka.

Tsiaku 1:12

Katsaktsa sinini tsimykaranaha zeka pykyhytuty tsimaha. Hawa ha ty meky watu tsihokdaharẽna tsimykaranahaze Deus harere bo hyỹ tsimykaranaha ihumo ahaspirikporẽtsa hỹ, batu pyk zikaha, ihumo ahaspirikporẽtsa zuba. Iwatsatu ahakurẽtsa tsimoziknaha. Iwatuze sinini tsimykaranaha Deus humo ahaspirikporẽtsa hỹ. Sininikarawy nepykze Deus tihi: — Ikiahatsa katuk tsinapykyryknaha my. Iwaze hi ikiahatsa bo isapyrẽnikia ty nyny my — my. Ikiahatsa ahawahi Deus tuk tsinapykyryknaha. Iwa Deus sinini mykaranahatsa bo my. Asa humo hi tsimypokzitsiarẽta. Iwaze sinini mykaranahatsa sakurẽtsa batu mysisapybyriki.

Apokaripisi 3:19

Asa humo kamypokzitsiarẽta, amy humo imysapybara humo maha zeka mysibetsakak. Mysizuspyk iwatsahi amy ty wasani mykaranaha. Iwatsahi batu ahamyi, ahamysapybyity tsimykaranaha zeka tsimoewynaha!