Ebereus 12:3 - Rikbaktsa

³ Hawa Sesus sinini ziknakara naha bo mytsaty tahaktsa! Sakyriukanikitsa ihumo batu siakparawy. Asaktsa Deus harere bo batu hỹ zikaha sispirikpobyitsa tu iwatsahi ziaknikinaha. Atahi tsipunihikrẽta hỹ. Iwata bo hi mytsatytahaktsa! Iwaze iwata ahapunihikrẽtsa tsimoziknaha. Ihumo tsimyspirikpotohinaha.

Ebereus 12:3 Iomraidhean Croise

Mateus 11:19

Kyze utakta Deus zikpehata ahawata ikyzik ahabo ikzumu. Mydisahawy pihauk. Duabohotsa tsik piku. Kasoho kytsa tihi: “Iktsa tsimaha. Atakta titsaurẽta. Okyrysaro byktsa tuk tadisahaka. Ustsa kytsa simysapybyitsa tu iakparawy my” niaha. Jabyitsa watsa. Iwa abaktsa kytsa Deus hyrinymyrywy babaha soho mybarapetu nikaranaha.

Mateus 12:24

Kyze Pariseutsa ana hi ziwabynahaze asa kino: — O Beresebuhu Satanas usa naro hyrikoso sapybara pehatsa zikwy humo Sesus maku zizororowy. Izikwy humo hyrikoso sapybara nisipehaka — mybarapetu nikaranaha.

Mateus 15:2

— Atuk pinymyrykynahatsa taparaktsa myzotsa sopyk humo batu yhỹ nikaranaha. Tapara tahatsyhyrype piknaha iwaze tadisahanaha. Taha ty tsyhyrype pik byizeka ba zik tahadisahanaha. Asahi taha ty tsyhyrype pikbyitsa tu ziknatahadisahakanaha iwa taparaktsa harere bo batu yhỹ ziknakaranaha. Batu sapy — niaha.

Mateus 21:23

Kyze Sesus Deus wahoro zubata bo nitsukzo. Anaeze kytsa nisihyrinymyrykyze taparaktsa Deus wahoro eze ziknapamykysokonahatsa, Sudeutsa taparaktsa kapitãotsa kino niwatihi ibo zumunaha. Ipe niaha: — Aty skaraba ape “Katsa tysihyrinymyrykykta, katsyhyryze tarabajatykta!” — niaha.

Mateus 21:46

Sesus tsipa humo pioktyhyry tsihikiknaha batu zikaha kytsa sizubarẽtsa pokso. Kytsa Sesus soho — Atakta Deus sohokotsa humo ka tsimaha — niaha. Iwaze simyhyrizikwanitsa kytsa pokso Sesus batu zioktyhyryk.

Mateus 22:15

Kyze wastuhu Pariseutsa ziponaha, asa zuba niaksohokiknaha. Tahatuktu nipamykysokonaha. — Sesus Moises harere bo batu yhỹ mozihikiknaha — iwa mytsaty nikaranaha.

Rukas 14:1

Mybyrykywy eze Sesus Pariseu wahoro bo nitsuk. Taparakta ypykyhyta Sesus ituk tadisahaka. Anaeze kytsa sizubarẽtsa Sesus bo nikozotoktokonaha.

Rukas 15:2

Pariseutsa kytsa Deus harere nisihyrinymyrykynahatsitsa kino niwatihi Sesus zisapybyrikinaha. — Atakta simysapybyikitsa tuk iakparawy. Kytsa simysapybyikitsa nikaranaha situk tadisahaka — nikaranaha.

Rukas 16:14

Pariseutsa Sesus harere ziwabynahaze iharere okyrysaro soho humo tahakyrikinaha. Asahi okyrysaro siakparawy iwatsahi zimyijakanaha.

Rukas 2:34

Niytahi Simeõ Sesus je pe niy: — Wabyty! Deus abykyhy ziny. Sudeutsa sizubarẽtsa ihumo Deus harere bo batu yhỹ zikaha. Ustsa Sudeutsa ihumo Deus harere bo hyỹ zikaha. Sizubarẽtsa ihumo ba siakparawy. Deus atakta abykyhy ziwatawy iwatsahi hawa ha ty kytsa mytsaty mykaranaha ana humo hi tsihyrinymyrẽta. Iwaze kytsa Deus humo sispihikrẽtsa ihumo jokpitsĩhĩbara.

Rukas 5:21

Iwaze Pariseutsa, Moises harere humo zinymyrykynahatsitsa niwatihi mytsatyziu nikaranaha. Sesus harere humo tahakyrikinaha. — Amy skaraba. Hawa sa nitsasoko. Deus zuba mymyokzohik. Ata zuba isapybara ty piokzo mykara — mytsaty nikaranaha. Kytsa iwa mytsaty nikaranaha.

Suão 10:20

Wastuhu: — O atakta hyrikoso sapybara ituk napykyryk. Iwatahi paikpa mytsaty nikara. Amy sa tsipiwabykynaha — nikaranaha.

Suão 18:22

Anas nitsasohoze estuba maku Deus wahoro perytsa ibaze niriktohokota tatsyhyrype ty ziokpykik. Ipe niy: — Iwa taparakta ziknapamykysokonahatsa bo batu tyso. Batu wasani my — niy.

Suão 5:16

Iwatsahi Sudeutsa Sesus nizokyrykynaha. Sesus maku zizororowy zuruze tahabyrykynaha ana humo hi tahakyrikinaha. Iwatsahi Sesus zimyijakaranaha.

Suão 8:13

Kyze Pariseutsa tihi: — O ikia asoho zuba tsimytsasoko. Asoho tsimytsasoko zeka batu amysapy tsipimyiki — mybarapetu nikaranaha.

Suão 8:52

Iwatsahi Sudeutsa ipe niaha: — Abaka tanymyryky hỹ. Ikiahi hyrikoso sapybara humo tsimypamykysoko. Tubabatu taparakta Abarão nihyrikosokda. Deus sohokotsa kino niwatihi nihyrikosokdanaha. Niakbabanaha. Ikia hi motsasoko “Aty kaharere bo hyỹ mykara Deus tuk tawahi mynapykyryk. Siakbatsa ba zikakpykyknaha kaharere humo hyỹ my” tsimy — nikaranaha.

Suão 8:59

Iwaze kytsa haraharetsa ty nasibyknaha. Iwaze zibeze tsihikiknaha. Sesus sipokso taokpitsĩ. Kytsa sizubarẽtsa papatu izoihik. Batu ity nyzo. Iwaze Deus wahoro zubata isturupeze inawakik.

Suão 9:40

Pariseutsa iharere ziwabykynahaze ipe niaha: — Katsaktsa Deus harere humo myhyrinymyrẽtsa. Iwa tsimytsasokonahaze tahaspihikbatakanaha ja — nikaranaha.

1 Korĩtios 15:58

Iwatahi utakta ahape my: — O katukytsa ahahumo kamypokzitsiarẽta hỹ. Ana humo hi ahakubyrisorokuja! Batu paikpa mytsaty tsimaha. Ahatarabajawy humo Deus pahapehaze ana humo hi tarabajaziutahaktsa! Deus tarabajawy kytsa mysihyrinymyry wata. Tarabajaziu tsimykaranaha zeka izikwy humo ahahyrinymyrẽtsa. Ahasopykziurẽtsa tsimoziknaha, Deus hi ahape “O kytsa tsipisapykynaha” — my.

2 Korĩtios 4:1

Deus mymysapywyky iwaze tarabaja humo nimypeha. Tubabatu mype niy: — Nanabyitaba wasania ty myzubarẽtsa bo paikpa tynatsasokonahaktsa — niy. Iwatsahi mykurẽtsa. Mytarabajawy humo ba mykubyri zikzumu.

2 Korĩtios 4:16

Iwatsahi batu mysukatsihik. Mynury humo batu mypaik tsimytsaikbanaha katsaktsa mypunihikrẽtsa tsimoziknaha hỹ. Deus hyrikoso mytukze iwaze Sesus harere humo zuba tsimyspirikpokonaha. Myzibyituhukutu izikwy humo meky watu tsimoziknaha.

Karatas 6:9

Iwaze tysapywykynahaktsa! Ahazikarabyitsa tu tsipisapywykynaha iwaze Deus isapyrẽnikia ty ahabo nyny mykara. Iwatsahi mykurẽtsa tsimaha.

2 Tesaronisẽses 3:13

Ikiahatsa, mytukytsa hi batu ahaku byrizikzumu tisapybakanahaktsa! Ahamysapyrẽtsa tsimoziknaha.

Ebereus 12:2

Sesus bo mytsatyziutahaktsa! Ihumo Deus harere bo hyỹ tynakaranahaktsa! Atahi Deus humo tispirikporẽta hỹ. Deus harere bo hyỹ ziknakara. Iwata tsimoziknahaktsa! Atakta nihyrikosokdaze tatuktu isopyk: — Bykyzehu kazo tuk kakurẽta mozik. Asaktsa zikmyijakanaha iwatatu sisapyzeky iharapatawyhyta humo myhyrikosokda. Kytsa hi: “O kytsa iharapatawyhyta humo mohyrikosokda zeka sisikpybyrẽtsa maha.” Siwa ba mytsaty ziky batu kasikpyby. Deus harere bo hyỹ ikykara iwatahi ituk kawahi mopykyrykze kakurẽta hỹ ana soho bo mytsaty mynakara. Iwaze tsihokdaharẽna Deus humo kamypokzitsiarẽta iwatatu mohyrikosokda — niy. Abaka Deus panuryk taba modyhyky. Deus tuk ityryktsa mysipeha.

Ebereus 12:5

Deus harere bo mytsatyziutahaktsa! Iharere papeu humo botu ziwatahaka iwa niy. Deus tahyrytsa humo nawa isopyk iwatahi botu ziwatahaka: — Kahyrytsa pahasininiwyky zeka tsiwabytoktonahaktsa! Ikiahatsa sinini tsimykaranaha ana humo hi tsinymyrykynaha. Utakta pahapehahikze tubyizuba taha!

Ebereus 3:1

Iwatsahi Sesus soho humo mytsatyziutaha katukytsa! Deus nimywatawy ityryktsa tsimoziknaha. Sesus hi mybo nitsasoko Deus zipehata my mywata niyzik. Atakta ziknapamykysokota taparakta myhyrizikwani. Ustsa bo tihi zeka: — O katsaktsa Sesus mymyoktyhyrykta humo myspirikporẽtsa tsimoziknaha iwatahi mymytsumuẽhĩkĩ hỹ — tsimaha. Iwatsahi Sesus soho humo mytsatyziutaha! my.

1 Peduru 2:23

Ustsa ihumo siharerewabymybarẽtsa atakta sibo batu harere. Kytsa zimyijakanahaze batu taty tsapusare niy. Tasukyritsitsa ty batu tyso: — Ikiahatsa tsipiksapybyrikinaha iwatahi sinini tsimaha iwa mozihikik — my. Iwa batu tyso. Atahi: — O Deus ikia kahumo tsipikpokzitsiki kahyrinymyrẽta. Ikia hi wasani tsimykara. Kasukyritsitsa bo wasani tsimykara — niy. Iwa Deus bo nitsaso.

Apokaripisi 2:3

Kytsa kaharere bo yhỹ ahabyitsa mykaranaha sispirikpobyitsa tu pahasukyrykynahaze ikiahatsa ahakubyrisorokrẽtsa ziknakaranaha. Sihumo batu ahasukatsihik kahumo sinini tsikykaranaha.