Apokaripisi 5:1 - Rikbaktsa

¹ Kyze papeu ziakwaraka turãrã ty pirikwyhyha bo iktsa iky. Anapapeu atakta tadyhywy bete nidyhyky tapanuryk taba zibykyk. Nataba natabaha papeu humo iwatahaha. Ipirikwyhyha hi sete ahatsa niaha.

Apokaripisi 5:1 Iomraidhean Croise

Apokaripisi 10:2

Papeu tsibik itsipyk eze niapykyryk. Papeu nizapare iwaze kytsa pinykynaha. Taeknury taba buburu zuba bete pare niy. Taekwazo taba wytyk bete pare niy.

Apokaripisi 4:3

Atahi iok haramwe jekyrikoso harahareziktsa sipokzitsiarẽtsa watsa, tsikarikpukarikpukrẽtsa. Idyhywy haraputaba tsokma natazikto tsikakarẽta anahi harahareziktsa esmerarada wata.

Apokaripisi 4:9

— Ikia zuba tsamysapyrẽta tsinakara. Ikia zuba wasani tsimynakara. Ikia zuba ahyrizikporẽnikita tsinamypokzitsiki asopyksapyrẽnikita hỹ iwatsahi mykurẽtsa tsimykaranaha — iwa nisakibazikiknaha. Iwa atakta idyhywy eze kytsa mysipehaka ibo nisakibazikiknaha. Atahi koikny baktatu tawahi atatu my.

Apokaripisi 5:13

Kyze abazubatsa ibo nisakibazikiknaha, ana hi iwabyky. Bijoikpe ezektsa, mybarawy ezektsa, asaktsa mypuke ezektsa, buburuzuba iknyktsa iwatsa nanabyitabaktsa ibo nisakibazikiknaha: — Atakta tadyhywy bete modyhykyta, hozipyrykza bo kino niwatihi tysakibazikiknahaktsa! Ikia zuba tsamysapyrẽta. Ikia zuba tsamyharerewabyrẽta myzubaha ahumo iktsazuba mynakaranaha. Ikia zuba azikwyrẽnikita. Ikia zuba tsasopykziurẽta. Iwa mywahi hozipyrykza bo tsimysakibazikiknaha! Deus bo tsimysakibazikiknaha! Iwa nisakibazikiknaha.

Apokaripisi 5:7

Hozipyrykza modyhykyta bo niparak papeu ipanuryk taba niapykyryk naha ty okok niy.

Apokaripisi 6:1

Iwaze hozipyrykza bo inyzo. Papeu sete iokpyripyrihyha bo niy. Tapara iokpyrikihiha iharapepewy niakbabaribaik iny. Iwaze estuba sirara ispituta: — Pany! — niy. Iaksoho hyritsik bipyri waha nikara.

Apokaripisi 6:16

Hara, haraharetsa ahatsa pe niaha: — Mybete tynatsu. Haraharetsa tynamyokpitsĩnaha. Iwaze Deus tadyhywy bete modyhykyta batu mybo iktsa ziky. Atahi kytsa zibezenahata hozipyrykza tsibik myhumo takyriki.

Apokaripisi 8:1

Iwaze atakta kytsa zibezenaha hozipyrykza tsibik iokpyrikihiha ziharawy zuba niakbabaribaik. Ustsa tsyhyry humo petok zuba siakyrikihiha niakbabari. Iwaze abazubatsa bijoikpe eze tu tsikaeni zuba pywa niapykyryk, meja ora eze batu harere aha.