Apokaripisi 14:1 - Rikbaktsa

¹ Kyze usta bo katsotyspykze iktsa iky. Atakta nira hozipyrykza tsibik wa ta ibo iktsa iky. Hara jobo Siaõ inarokota harabete niriktohoko. Kytsa abazubatsa ituk niaha sẽto kuarẽta kwatero miutsa. Inaro ty siokpe watahatsa, izo naro kino niwatihi siokpe watahatsa.

Apokaripisi 14:1 Iomraidhean Croise

Rukas 12:8

Sesus ispe niy: — Utakta Deus zikpehata ahawata ikyzik. Ikiahatsa kytsa okze: “Uta Sesus tukta my. Sesus iny” tsimaha. Ikiahatsa tsimytsasokonaha zeka uta niwatihi my. Bijoikpe iknyktsa Deus tsumuẽhĩtsitsa okze uta tihi: “Atakta katukta atahi iny” my.

Homanos 9:33

Iwatahi Deus harere papeu humo: — O kytsa mytsatyziutahaktsa! Harahare wataty zik iky. Ata humo hi Sudeutsa inarahanaha. Kiristu hi harahare wata, asaktsa iharere bo hyỹ mykaranaha batu sisikpyby tahawahi Deus tuk mynapykyryknaha — niy. Deus harere papeu humo niy. — Asaktsa Sesus Kiristu harere bo batu hỹ maha asaktsa kytsa watsa asahi harahare bete inarahanaha. Iwatsahi Sudeutsa Sesus Kiristu harere bo batu hỹ mykaranahaze Kiristu sihumo harahare wata mozik, iharere bo batu hỹ zikaha iharere batu siakparawy iwatsahi kytsa watsa harahare bete inarahanaha Iwa Deus harere papeu humo niy, hawa Sudeutsa sizubabyitsa Deus hyrytsa moziknaha.

Apokaripisi 14:14

Kyze katsotyspykze ikozozo. Bijoikpe zatata tsibarazarẽna bo iktsa iky. Maku hyrity wata bijoikpe zatata bete nidyhyky. Ouro ty itsorikihita niy. Itsipyk eze penari ty wabehata niy. Tsitsarirẽta.

Apokaripisi 14:3

Deus pauk baze nisakibazikiknaha 144.000 ahatsa. Sisakibazikezytyk nisakibazikiknaha. Siraratsa sispitu sapetoktsa sapetoktsa iwa siokze tapara taypykyknahatsa wĩte kwatero ahatsa niwatihi sisakibazik iwaby. Sizubarẽtsa anasoho batu sihyrinymyry. Asa zuba 144.000 miutsa botu Deus bo nisioktyhyryk Deus tuk mynapykyryknaha asa zuba sisakibazik ezytyk humo sihyrinymyrẽtsa hỹ.

Apokaripisi 15:5

Kyze Deus wahoro zubata bo bijoikpe eze ikozo. Anaeze Deus sapy zoksapare niy.

Apokaripisi 22:4

Atakta nihyrikosokda hozipyrykza tsibik wata iok pinynaha inaro siokpe humo piwatahanaha.

Apokaripisi 3:12

Kaharere humo hyỹ mynakaranahatsaktsa sipunihikrẽtsa moziknaha. Asahi iharakurukwy wata atahi Deus wahoro zubata ezekta. Ataharakurukwy hi tawahi mynapykyryk. Iwata asaktsa Sesus humo sispirikporẽtsa Deus tuk tahawahi mynapykyryknaha. Ba hawa tohi zikaha. Deus naro sihumo piwataha, Deus hudikhudikwy tanaro kino sihumo piwataha. Ihudikhudikwy Serusarẽhe ezytyk, tahudikhudikwy Deus bijoikpe ikny mynazepik. Iwaze kanaro ezytyk sihumo piwataha. Iwa kasoho Piradepija ezektsa myspirikpokotsa pe tsimy” — niy.

Apokaripisi 4:1

Kyze katsotyspykwaha eze hokbowy iny. Hokbowy bijoikpe eze zoksapare ahata iny. Berekze suka wata botu iwaby ata hi iwabyzo. Kape niyzo. Atahi kape nikara: — Pany, pakutyny! Hawa maha humo pahyrinymyry — niy.

Apokaripisi 6:8

Atsoko usta pikuza tsitozoarẽta bo ikozo. Atabete myhyrikosokdawy inarokota ibete nidyhyky. Iapik abazubatsa siakbatsa ykarawy ezektsa iapik niukurunaha. Atahi ibaze: — Mybarawy ezektsa abazubatsa myharape banaha! Sapetoktsa sapetoktsa nawahatsa tsimysihobykze estuba tsipibeze myzubarẽtsa tsapukte tsipibeze iwa tsimykara. Myrapa humo myokbanaha mymytsapyri humo mokbanaha, siraratsa siakyriukrẽnikitsa humo mokbanaha iwa sizubarẽtsa mysibanaha — niy.