Apokaripisi 10:6 - Rikbaktsa

⁶ — Atakta koikny bakta tu tawahi mynapykyryk ata hi bijoikpe, mybarawy, buburu zuba iwa nizukni, abazubaha bijoikpe eze ky abazubaha mybarawy eze ky, abazubaha buburu buruktsa iwa mybarawy nizukni — niy. Atahi kaharere piwabyky iharere zuba motsasoko: — Abaka bapyk ziky — niy.

Apokaripisi 10:6 Iomraidhean Croise

Apokaripisi 1:18

Tapara ikumuzaspyk abaka kawahi hawa tohi kasuknihukbyita mynapykyryk. Mybarawy ezektsa mohyrikosokdanahaze kahumo isapyha eze mopykyryknaha, isapy ykarawy bo maha, kahumo ahabo mysipehaka.

Apokaripisi 12:12

Iwaze bijoikpe ezektsa ahakurẽtsaktsa! Mybarawy ezektsa ihumo sisukatsihikrẽtsa. Pihik ezektsa niwatihi sinini mykaranaha. Hyrikoso sapybara pehakatsa mybarawy eze iwatsahi ihumo sinini mykaranaha. Atahi sibo inasik iwatsahi ihumo sinini mykaranaha. Atakta takyriki, bykyzehu zuba Sesus tuktsa imyitsapyriwy mopykba ana humo hi takyriki.

Apokaripisi 16:17

Iwaze bijoikpe iknyktsa ziharawybabata taporosuk hyrity wata ezeky ty jobo to zipuku. Iaksoho Deus wahoro zuba idyhywy ikny opykani kakaik niy. — Niwazuba — niy.

Apokaripisi 21:6

— Utakta koikny bakta tu, nanabyi suknihibyize tatu. Mybarawy mopykbaze kino kaspitu. Botu iky. Aty iarapuruk zeka ibo nyny my. Pihik pupuputsa iknykyty ibo nyny my, ana humo hi ahaspitu tsimoziknaha.

Apokaripisi 4:10

Nisakibazikiknahaze tapara taypykyryknahatsa simyharerewabybarẽnikitsa wĩte kwatero ahatsa wytyk bo inatsubaiknaha ipe niaha atahi idyhywy bete nidyhyky. Atakta imysapyrẽnikita ihumo mynatsunaha. Atahi Deus mybarawytsa siraratsa nisisukni iwatsahi mynatsunaha. Atahi koikny baktatu tawahi nawa tatu mynapykyryk ipe maha: — Ikia zuba amyharerewabyziurẽnikita — maha. Tahatsorik ty iokeryk zizozokonaha. Asahi:

Apokaripisi 4:11

— O ikia zuba mybaratsa, ikia myhumo amypokzitsiukrẽta. Ikia Deus babata, mypehakatsa. Ikia mybarawy tsikzukni, nanabyi tsikzukni aharere humo tsizubarẽna anatu maha. Myzubarẽtsa tsikmysukni. Iwatsahi abo tsimysakibazikiknaha ikia zuba tsamysapyrẽta ba zimyi, ikia zuba azikwyrẽnikita ba hawa tohi zasukninaha, ikia zuba tsamyharerewabyrẽta. Asopykziurẽnikita, amyhyrizikporẽnikita awa suknihabyita iwa abo tsimysakibazikikiknaha — niaha. Atahi idyhywy bete nidyhyky ibo hi nisakibazikiknaha hỹ.

Apokaripisi 4:9

— Ikia zuba tsamysapyrẽta tsinakara. Ikia zuba wasani tsimynakara. Ikia zuba ahyrizikporẽnikita tsinamypokzitsiki asopyksapyrẽnikita hỹ iwatsahi mykurẽtsa tsimykaranaha — iwa nisakibazikiknaha. Iwa atakta idyhywy eze kytsa mysipehaka ibo nisakibazikiknaha. Atahi koikny baktatu tawahi atatu my.

Apokaripisi 6:11

Iwaze siwa tu isuk tsibarazarẽta ezytyk ty sibo nyny niy. Atahi: — Ahakubyrisorokrẽtsaktsa. Sakyriukrẽnikitsa ustsa ahatukytsa mysibanaha. Hawa zahabanaha ustsa Sesus tsumuẽhĩtsa kino mysibanaha. Mysibanahaze ahakubyrisorokrẽtsaktsa — niy.