1 Peduru 3:13 - Rikbaktsa

¹³ Iwaze tsipisapybakanaha zeka aty sa pahakniki

1 Peduru 3:13 Iomraidhean Croise

Homanos 13:3

Asaktsa wasani mykaranaha tahapehatsa humo batu sipyby. Asahi batu sopyksapy mykaranaha zeka tahapehatsa pokso sipybyrẽtsa. Ahapybybyi zeka mypehatsa tysisapywykynahaktsa kytsa! Iwa tsimykaranaha zeka asahi: — O ikiahatsa wasani tsimaha — maha.

Homanos 8:28

Amy skaraba mybo mykara ana humo hi Deus mymysapywyky, iwatatu batu imysapybara ty mykara ana humo kino Deus namysapywyky, katsaktsa Deus humo mymypokzitsirẽtsa hỹ. Tubabatu Deus nimywatawyhik iwaze isoho bo hyỹ tsimykaranaha.

1 Korĩtios 14:1

Deus bo mektsa harere ty tsimytsasokonaha zeka wasani, katsaktsa Deus harere ustsa kytsa bo tsimytsasokonaha zeka wasani tsimykaranaha iwahi tsimyzihikiknaha. Iwaze tyharape pokzitsikinahaktsa kytsa! Deus isapyrẽnikia ty kino niwatihi tsimyzihikiknaha! Isapyrẽnikia ty wasaniha zuba tynazihikiknaha wasaniha iharere tsimytsasonaha. Ana humo hi ipe tsimaha: — O Deus ahyrikoso mytuk mynapykyryk iwaze aharere ustsa bo tsimytsasokonaha — tsimaha.

Epesios 5:1

Ikiahatsa Deus hyrytsa tsimaha. Atahi ahahumo tsimypokzitsiarẽta hỹ. Iwatsahi ahamysapyrẽtsa tsimoziknaha. Hawa kytsa hyrytsa tahazotsa mysisopykzukunaha ikiahatsa Deus watsa tsimykaranaha. Ahazo watsa tsimoziknaha.

1 Tesaronisẽses 5:15

Pykyhytutaha! Ikiahatsa aty pahakyrity zeka ba zikatsapusare. Aty pahakyrityzeka ba zikaha tsapusare. Ikiahatsa tsipokzitsinaha. Ahatuk sasabyitsa humo tysipokzitsikinaha hỹ.

1 Timoteo 5:10

Ustsa kytsa sisoho mopamykysokonaha: — O atatsa tsimysapyrẽtatsa. Nimysapywyky. Ihyrytsa kino iharere bo hyỹ mykaranaha. Batu pimyiki. Kytsa iwahoro zumunahaze atatsahi: “Pakutyny niy. Tsikadisaha my papyrytsapik” my iwa mykara. Sudeutsa sopyk ty kytsa mysipyrytsapikik. Zikbyituhukutu Deus tyryktsa mysitsumuẽhĩkĩ, asahi mozurukunahaze tsihokdaharẽnaze atatsa kytsa mysitsumuẽhĩ. Ustsa kytsa tsyhyryze mymysapywyky — maha. Iwa mozuruku. Atatsa kino papeu humo tsipiwatahaka, atatsa haramukuka babatatsa hỹ.

Titu 2:14

Sesus Kiristu mysapyzeky nihyrikosokda. Iwatsatu katsa mysapybara humo Deus mymyokzo ihumo hi mysapybyi tamoewy. Sesus nihyrikosokdaze iwatsahi mysapyrẽtsa tsimozikanaha. Ityryktsa tsimoziknaha. Iwatsahi tisapyrẽna ty zuba tsimykaranaha hỹ.

3 Suão 1:11

Kaijo kaharereziuwy wasania ty zuba tisopykdu imysapybara ty ka sopykdu sopykdu byitaha. Aty wasania ty zuba mykara zeka atahi Deus tukta aty imysapybara ty zuba mykara zeka atahi Deus batu inyhy, ispirikpobyita Deus humo batu sihyrinymyry.