Tito 1:1 - Ti Baro a Naimbag a Damag Biblia

^1-4 Kenka, Tito, a napaypayso nga anakko iti pammati nga adda kadatay amin: Sapay koma ta parabur ken talna ti ited ti Dios Ama ken ni Cristo Jesus a Mangisalakan kadatayo. Siak, ni Pablo nga adipen ti Dios ken apostol ni Jesu-Cristo, ti naggapuan daytoy a surat. Naibaonak a tumulong kadagiti tattao tapno maidalanda iti kinapudno ken kinasanto. Naibatay daytoy iti namnama iti biag nga agnanayon nga inkari ti Dios sakbay ti panangrugi daytoy a lubong. Saan nga agulbod ti Dios. Iti intudingna a tiempo, impaltiingna daytoy a namnama iti mensahena a naitalek kaniak ket ipakaammok babaen iti bilin ti Dios a Mangisalakan kadatayo.

Ti Biblia (1973)

¹ Siac ni Pablo, nga adipen ti Dios ken apostol ni Jesu-Cristo, cas mayannurot iti pammati dagiti pinili ti Dios, ken ti pannacaammo iti pudno, a mainugot iti kinasanto,

Tito 1:1 Iomraidhean Croise

1 Cronicas 6:49

Ni Aaron ken dagiti kaputotanna ti nangidatag kadagiti insenso a mapuoran ken kadagiti daton a mapuoran iti altar. Annongda ti amin nga aramid a mainaig iti panagdaydayaw iti Kasantoan a Lugar, agraman ti panagidatag kadagiti daton tapno pakawanen ti Dios dagiti basol ti Israel. Inaramidda amin dagitoy kas mayannurot iti bilin ni Moises nga adipen ti Dios.

San Lucas 18:7

Ket dinto aya tulongan ti Dios dagiti tattaona nga umas-asug kenkuana iti aldaw ken rabii? Dinanto kadi dardarasen ti tumulong kadakuada?

Dagiti Aramid 13:48

Idi mangngeg daytoy dagiti Hentil, nagrag-oda ket dinaydayawda ti mensahe ti Apo. Ket nagbalin a mamati dagiti naituding iti biag nga agnanayon.

Taga-Roma 1:1

Siak ni Pablo. Maysaak nga adipen ni Cristo Jesus ken apostol a pinili ken inayaban ti Dios a mangikasaba iti Naimbag a Damagna.

2 Taga-Corinto 1:1

Iti iglesia ti Dios idiay Corinto ken kadagiti amin a tattao ti Dios iti entero nga Acaya: Sapay koma ta parabur ken talna ti ited ti Dios nga Amatayo, kasta met ni Apo Jesu-Cristo. Naggapu kadakami daytoy a surat—ni Pablo nga apostol ni Cristo Jesus babaen iti pagayatan ti Dios, ken ni kabsattayo a Timoteo.

Taga-Efeso 2:8

Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy.

Taga-Filipos 1:1

Kadagiti amin a tattao ti Dios nga agnaed dita Filipos, isuda a makipagkaykaysa ken ni Cristo Jesus, kasta met kadagiti panglakayen ken nadutokan a katulongan iti iglesia, Sapay koma ta parabur ken talna ti ited kadakayo ti Dios nga Amatayo ken ni Apo Jesu-Cristo. Naggapu kadakami daytoy a surat—da Pablo ken Timoteo—nga adipen ni Cristo Jesus.

Taga-Colosas 2:2

Aramidek daytoy tapno mapapigsada ken agmaymaysada iti ayat ket mapnoda iti kinabaknang ti namnama nga ited ti napudpudno a pannakaawat. Iti kasta, maammoanda ti palimed ti Dios nga isu met laeng ni Cristo, ket

1 Timoteo 2:4

Tarigagayanna a maisalakan dagiti amin a tattao ken maammoanda ti pudno.

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

1 Timoteo 6:3

Natangsit ken awan ammo ti siasinoman a mangisuro iti sabali a doktrina, ket saan nga umanamong kadagiti pudno a sao ni Apotayo a Jesu-Cristo ken iti nadiosan a pannursuro. Ti kasta a tao adda sakitna a makisuppiat ken makiapa ket pataudenna ti imon, ringgor, pammadpadakes, dakes a panangipagarup

2 Timoteo 2:10

Isut' gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken ni Cristo Jesus, agraman ti agnanayon a gloria.

2 Timoteo 2:23

Adaywam dagiti minamaag a panagsusuppiat nga agtaud iti kina-ignorante ta ammom nga agtungpalda iti panagriringgor.

2 Timoteo 2:25

nasingpet ken naannad a mangpatigmaan kadagiti kabusorna, bareng no ikkanto ida ti Dios iti gundaway nga agbabawi ket maammoanda ti pudno.

Santiago 1:1

Patgek a Kakabsat: Kablaawankay amin a tattao ti Dios a naiwaraswaras iti entero a lubong. Siak, ni Santiago nga agserserbi iti Dios ken ni Apo Jesu-Cristo, ti naggapuan daytoy a surat.

2 Pedro 1:3

Babaen iti nadiosan a pannakabalinna, naited ti amin a kasapulantayo tapno masursurotayo ti agbiag a kas pudno a Kristiano. Maigapu daytoy iti pannakaammotayo ken ni Cristo a nangayab kadatayo tapno mairanudtay iti bukodna a dayag ken kinaimbag.

2 Pedro 3:11

Yantangay ta kastoy ti pannakadadaelto dagitoy, ania ngarud a kita ti tao ti pagbalinanyo? Masapul nga idatonyo ti bagiyo iti Dios ket agbiagkay a nasantoan.

1 Juan 2:23

Ta ti saan a mangbigbig iti Anak, saanna met a bigbigen ti Ama. Ti mangbigbig iti Anak, bigbigenna met ti Ama.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,