Ruth 4:6 - Ti Baro a Naimbag a Damag Biblia

⁶ Simmungbat ti lalaki, “No kasta ngarud, bay-akon ti kalintegak a manggatang iti talon, ta kaipapananna a dinto tawiden dagiti annakko. Sika laengen ti gumatang.”

Ti Biblia (1973)

⁶ Ket ti asideg a cabagian kinunana, Isu diac mabalin a subboten nga agpaay caniac met laeng, tapno diac dadaelen ti tawidco met laeng: alaem kenca ti calintegac a panangsubbot; diac mabalin a subboten.

Ruth 4:6 Iomraidhean Croise

Genesis 38:8

Kinuna ni Juda ken ni Onan, “Inka kaiddaen ti balo nga ipagmo. Aramidem ti pagrebbengam kenkuana kas kabsat ti natay nga asawana tapno maaddaan iti kaputotan daydi kabsatmo.”

Levitico 25:25

No pumanglaw ti maysa nga Israelita ket kapilitan nga ilakona ti daga, masapul a ti kaasitgan a kabagianna ti mangsaka.

Deuteronomio 25:7

Ngem no madi ti kabsatna a mangasawa iti biuda, dumatag ti babai kadagiti panglakayen iti pangukoman ket kunana, ‘Madi ti kabsat daydi asawak a mangtungpal iti annongna a kas kabsat ti natay nga asawak. Dina kayat a taginayonen ti nagan ti kabsatna iti Israel.’

Deuteronomio 25:8

“Paayaban ngarud dagiti panglakayen ti lalaki tapno kasaoda. No dina latta kayat nga asawaen ti biuda,

Deuteronomio 25:9

umasideg ti babai kenkuana iti sango dagiti panglakayen ket uksotenna ti sandalias ti lalaki sana tupraan ti rupana. Kunananto, ‘Kastoy ti mapasamak iti lalaki a madi a mangtaginayon iti familia ti kabsatna.’

Ruth 2:20

Kinuna ni Noemi kenkuana, “Bendisionan koma ti Apo dayta a tao! Tungpalen ti Apo dagiti karina kadagiti sibibiag man wenno natay.” Intuloyna, “Asideg a kabagiantayo dayta a tao, maysa kadagiti adda pagrebbenganna a mangaywan kadata.”

Ruth 3:13

Maturogkan, ket inton bigat, ammoenta no kayatna nga isu ti mangaywan kenka. No kayatna, naimbag. Ngem no saan, isapatak iti nagan ti Dios a sibibiag a siak ti mangaywan kenka. Ita, maturogkan agingga iti agsapa.”

Ruth 3:9

“Siasinoka?” sinaludsod ni Boaz. “Siak ni Ruth nga adipenmo, apo,” insungbatna. “Gapu ta asideg a kabagianka, adda kalintegam a mangasawa kaniak.”