Ruth 3:7 - Ti Baro a Naimbag a Damag Biblia

⁷ Kalpasan ti pannangan ken panaginum ni Boaz, mayat ti riknana. Napan naturog iti pempen ti sebada. Nagin-inayad nga immasideg ni Ruth ket ingngatona ti ules sa nagidda iti sakaanan ni Boaz.

Ti Biblia (1973)

⁷ Ket idi a ni Booz nacacaan ken nacainum, ket ti pusona adda idi a siraragsac, napan nagidda iti maysa a pungto ti penpen ti bukel: ket isu immay a siiinayad unay, ket linucasanna dagiti sacsacana, ket nagidda.

Ruth 3:7 Iomraidhean Croise

Genesis 43:34

Naggapu iti lamisaan ni Jose dagiti taraon a naiserbi kadakuada. Naserbian ni Benjamin iti maminlima ti kaaduna ngem ti naited kadagiti dadduma a kakabsatna. Siraragsakda a nagpapangan ken nagiinum.

2 Samuel 13:28

Binilinna dagiti adipenna, “Urayenyo a mabartek ni Amnon. Inton kasta unayen ti bartekna, patayenyon. Awan ti pagbutnganyo; siak ti akimbilin iti daytoy. Papigsaenyo ti nakemyo ket dikay agsarimadeng.”

1 Ar-ari 21:7

“Saan kadi a sika ti ari?” insungbat ni Jezebel. “Ala, bumangonkan ket agragsak ken manganka. Alaek ti kaubasan ni Nabot nga agpaay kenka!”

Ester 1:10

Iti maikapito nga aldaw ti padaya, agin-inum ti ari ket naragsak unay. Iti kasta, pinaayabanna dagiti pito nga eunoko nga agserserbi kenkuana, da Mehuman, Bizta, Harbona, Bigta, Abagta, Zetar ken Carcas.

Dagiti Salmo 104:15

Agaramid iti arak a mangparagsak kenkuana, lana ti olibo a mangparaniag iti rupana agraman tinapay a mangted iti pigsana.

Eclesiastes 10:19

Pagragsakennaka ti panagrambak ket liwliwaennaka ti arak ngem dimo magun-od dagitoy no awan kuartam.

Eclesiastes 2:24

Awanen ti nasaysayaat nga aramiden ti maysa a tao no di mangan ken uminum ket nanamenna ti nagbambannoganna. Uray daytoy, nabigbigko nga agtaud iti Dios.

Eclesiastes 8:15

Ngarud, patiek unay a rumbeng nga agragsak ti tao. Mangan, uminum ken aglang-ay laeng ti aramidenna iti daytoy a biag. Daytoy ti mabalinna nga aramiden iti baet ti panagtrabahona bayat ti inted ti Dios a panagbiagna ditoy lubong.

Eclesiastes 9:7

Sige, manganka ket agragsakka. Uminumka iti arak ket aglinglingayka. Ipalubos daytoy ti Dios.

1 Taga-Corinto 10:31

Daytoy ti sungbatko: No adda aniaman nga aramidenyo, mangan man wenno uminumkayo, aramidenyo a pakaidayawan ti Dios.

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

Uk-ukom 19:22

Madamada nga agraragsak idi pagammoan la ta dimteng dagiti derrep a lallaki iti ili. Linawlawda ti balay ket nagtugtogda iti ruangan. Kinunada iti lakay, “Iruarmo ti lalaki a nagdagus ditoy balaymo ta kayatmi a kaiddaen.”

Uk-ukom 19:6

Iti kasta, nagtugaw dagiti dua a lallaki a nangan ken imminum. Kalpasanna, imbaga kenkuana ti katuganganna, “Pangngaasim ta ummiankayo pay ket agragragsaktayo.”

Uk-ukom 19:9

Idi agrubbuat manen ti Levita, ti babai ken ti tagabuna, kinuna ti ama ti babai, “Mumalemen! Ummiankayo pay ita a rabii, ket aglang-aykayo. Sapaenyonto laengen ti agawid inton bigat.”

Ruth 3:6

Napan ni Ruth iti pagirikan ket inaramidna amin nga imbilin ti katuganganna.

Ruth 3:8

Idi makariing ni Boaz, nagballikid, ket nasdaaw a nakakita iti maysa a babai nga agid-idda iti sakaananna.