Ruth 2:8 - Ti Baro a Naimbag a Damag Biblia

⁸ Iti kasta, kinuna ni Boaz ken ni Ruth, “Denggem ti balakadko kenka. Dika mapmapan agtudtod iti sabali a talon. Ditoy laengen ti pagtudtodam iti dawa. Agyankan ditoy ket makipagtrabahoka kadagiti babbai.

Ti Biblia (1973)

⁸ Idin ni Booz kinunana ken Ruth, Dica denggen, anacco? dica mapan agadas iti sabali a talon, dica coma lumabas manipud ditoy, no di ket agyanca ditoy a canayon iti sibay dagiti tagabuc a babbalasang.

Ruth 2:8 Iomraidhean Croise

2 Ar-ari 5:13

Immasideg dagiti adipenna ket kinunada, “Apo, di met aya aramidem ti aniaman nga ipaaramid kenka ti profeta uray narigat? Ita, naglaka a banag ti ibagbagana. Dika pay la mapan bumatok tapno maimbaganka?”

Levitico 19:9

“No aganikayo, diyo anien dagiti adda iti igid ken dagiti nalabsanyo.

San Mateo 9:2

Inyeg ti sumagmamano a tattao kenkuana ti maysa a paralitiko a nakaidda iti papag. Nabigbigna ti kaadda ti pammatida ket kinunana iti paralitiko, “Pakirdem ta pakinakemmo, anakko. Napakawanen dagiti basbasolmo.”

San Mateo 9:22

Timmalliaw ni Jesus ket nakitana ti babai. “Pakirdem ta pakinakemmo, anakko,” kinunana. “Pinaimbagnaka ti pammatim.” Iti dayta met la a kanito, immimbagen ti babai.

Taga-Filipos 4:8

Kamaudiananna, kakabsatko, panunotenyo laeng dagiti bambanag a naimbag ken maikari a raemen: dagiti napudno, natakneng, nalinteg, nadalus, napintas, ken nadayaw.

Ruth 2:7

“Impakpakaasina a palubosak a sumaruno kadagiti agan-ani tapno agtudtod kadagiti dawa. Manipud pay la itay bigat nga agtudtudtod, ket ita la nga aglinong tapno aginanat' biit.”

Ruth 2:9

Siputam no sadino ti paganianda, ket sumurotka kadakuada. Binilinko dagiti tattaok a didaka an-anoen. No mawawka, inka latta uminum kadagiti karamba a sinakdoanda.”

1 Samuel 3:16

Ngem inayaban ni Eli, “Samuel, anakko.” “Adtoyak, apo,” insungbat ni Samuel.

1 Samuel 3:6

Inawagan manen ni Yahweh ni Samuel. Saan nga ammo ti ubing a ni Yahweh ti umaw-awag gapu ta di pay nagsao idi kenkuana. Bimmangon ngarud a napan ken ni Eli ket kinunana, “Adtoyak, apo, ta inawagannak.” Ngem insungbat ni Eli, “Anakko, saanka nga inayaban; agsublika iti iddam.”