Ruth 2:6 - Ti Baro a Naimbag a Damag Biblia

⁶ “Isu ti ganggannaet a babai a kinakuyog ni Noemi a naggapu idiay Moab,” insungbat ti lalaki.

Ti Biblia (1973)

⁶ Ket ti tagabu a naicabil a pangolo dagiti agani simmungbat ket kinunana, Isu ti balasang a Moabita a nakipagsubli ken Noemi nanipud iti daga ti Moab:

Ruth 2:6 Iomraidhean Croise

Genesis 15:2

Ngem kinuna ni Abram, “O Apo Dios, ania ti serbi kaniak ti gunggona nga itedmo idinto ta awan anakko? Ni laeng Eleazar a taga-Damasco ti agtawid kadagiti sanikuak.

Genesis 24:2

Kinuna ni Abraham iti kalakayan nga adipen nga agay-aywan iti amin a sanikuana, “Ikabilmo ta imam iti baet dagiti luppok ket agsapataka.

Genesis 39:4

Naay-ayo ni Potifar kenkuana, ket pinagbalinna a katalek iti balay ken mangaywan iti amin a sanikuana.

San Mateo 20:8

“Idi sumipngeten, kinuna ti akinkukua iti kaubasan iti katalekna, ‘Ayabam dagiti mangmangged ta tangdanam ida. Irugim kadagiti naudi a simrek.’

San Mateo 24:45

“Siasino ngarud ti mapagtalkan ken masirib nga adipen? Isu ti insaad ti apona a mangimaton kadagiti dadduma nga adipen tapno ikkanna ida iti kanen iti umisu a tiempo.

Ruth 1:16

Ngem insungbat ni Ruth, “Diyo koma kiddawen a panawankayo. Palubosandak koma a sumurot kadakayo. Umayak iti sadinoman a papananyo. Agnaedak iti sadinoman a pagnaedanyo. Kailiak metten dagiti kailianyo, ket ti Diosyo isu metten ti Diosko.

Ruth 1:19

Intuloyda ti nagbiahe agingga a nakadanonda idiay Betlehem. Idi sumangpetda, nasdaaw ti amin. Sinaludsod dagiti babbai, “Pudno kadi a sika ni Noemi?”

Ruth 1:22

Kastoy ti napasamak idi nagsubli ni Noemi idiay Betlehem manipud Moab. Kaduana ni Ruth, ti Moabita a manugangna. Mangrugin ti panagani iti sebada idi sumangpetda idiay Betlehem.

Ruth 2:5

Idi makita ni Boaz ni Ruth, sinaludsodna iti pangulo dagiti agan-ani, “Siasino dayta a balasang?”

Ruth 2:7

“Impakpakaasina a palubosak a sumaruno kadagiti agan-ani tapno agtudtod kadagiti dawa. Manipud pay la itay bigat nga agtudtudtod, ket ita la nga aglinong tapno aginanat' biit.”