Ruth 1:22 - Ti Baro a Naimbag a Damag Biblia

²² Kastoy ti napasamak idi nagsubli ni Noemi idiay Betlehem manipud Moab. Kaduana ni Ruth, ti Moabita a manugangna. Mangrugin ti panagani iti sebada idi sumangpetda idiay Betlehem.

Ti Biblia (1973)

²² Iti casta nagsubli da Noemi, ken Ruth a Moabita, a manugangna a kimmuyog kencuana, a nagsubli nanipud iti daga ti Moab: ket dimtengda iti Bet-lehem iti carugrugi ti panagapit iti cebada.

Ruth 1:22 Iomraidhean Croise

2 Samuel 21:9

Inyawat ni David ida kadagiti tattao ti Gabaon a nangbitay kadakuada iti bantay iti imatang ni Yahweh. Naggigiddan a natay dagiti pito. Napasamak daytoy idi mangrugi ti panagapit iti sebada.

Levitico 23:11

Agpaay daytoy a naisangsangayan a daton iti Apo tapno maawatkayo ket idatag ti padi iti sumaruno nga aldaw kalpasan ti Aldaw a Panaginana.

Ruth 2:23

Iti kasta, nakiani ni Ruth kadakuada, ket nagtudtod kadagiti dawa agingga a naani amin a sebada ken trigo. Intuloyna ti nakipagnaed iti katuganganna.

Ruth 2:6

“Isu ti ganggannaet a babai a kinakuyog ni Noemi a naggapu idiay Moab,” insungbat ti lalaki.