Ruth 1:1 - Ti Baro a Naimbag a Damag Biblia

¹ Idi panawen a panagturay dagiti ukom iti Israel, adda bisin a nagsaknap iti pagilian. Iti kasta, napan nagnaed idiay Moab iti apagbiit a tiempo ti maysa a lalaki a taga-Betlehem idiay Juda. Inkuyogna ti asawana ken dagiti dua a lallaki nga annakna.

Ti Biblia (1973)

¹ Ket naaramid idi cadagiti al-aldaw a panagocom dagiti oc-ocom, nga adda idi bisin iti daga. Ket maysa a lalaki a taga Bet-lehem ti Juda napan naggangannaet cadagiti daga ti Moab, isu, ken ni asawana, ken dua nga annacna a lallaki.

Ruth 1:1 Iomraidhean Croise

Genesis 12:10

Ngem rimsua ti nakaro a panagbisin iti dayta a daga, isut' gapuna a nagpa-abagatan ni Abram agingga a dimteng idiay Egipto tapno agnaed sadiay iti apagbiit.

Genesis 26:1

Adda pay sabali a panagbisin a dimteng iti daga malaksid daydi immuna idi panawen ni Abraham. Nakadanon ni Isaac idiay Gerar a sakup ni Abimelec, nga ari dagiti Filisteo.

Genesis 43:1

Dimmegdeg ti panagbisin idiay Canaan.

2 Samuel 21:1

Bayat ti panagturay ni David, adda nakaro a bisin a nagpaut iti tallo a tawen. Daytoy ti gapuna a nakiuman ni David ken ni Yahweh ket kinuna, “Nakabasol ni Saul ken ti familiana iti pammapatay. Adu ti pinapatayda a tattao ti Gabaon.” (

1 Ar-ari 18:2

Napan ngarud ni Elias. Ita, kapalalo ti panagbisin idiay Samaria.

1 Cronicas 2:51

Ni Salma nga anak ni Hur ti nangbangon iti Betlehem, ket ni Haref nga anakna ti nangbangon iti Bet-gader.

1 Cronicas 2:54

Ni Salma a nangbangon iti Betlehem ti kapuonan dagiti tattao ti Netofa, Atrotbet-joab, ken Zora a maysa kadagiti dua a kapuonan idiay Manahat.

Dagiti Salmo 105:16

Idi inyeg ti Apo ti bisin iti dagada, ket inikkatna amin a makanda,

Dagiti Salmo 107:34

Pinaapgadna ti nadam-eg a daga gapu iti kinadakes dagiti agnaed.

Jeremias 14:1

Kinuna ti Apo kaniak maipapan iti tikag,

Ezekiel 14:13

Kinunana, “Anak ti tao, no agbasol ti maysa a pagilian ket saan a napudno kaniak, dusaek ket dadaelek ti paggapuan ti taraonna. Ipanko ti bisin a mangpapatay a padapada kadagiti tattao ken animal.

Ezekiel 14:21

Daytoy ti sao ti Apo a Dios: “Idissuorko ti uppat a kakaroan a pannusak iti Jerusalem—gubat, bisin, narungsot nga animal ken angol—a mangpapatay kadagiti tattao ken animal.

Levitico 26:19

Ikkatekto ti kinatangsityo; awanto ti tudo ket natikag ken natangkento ti dagayo a kas iti landok.

Amos 4:6

“Siak ti nangyeg iti bisin iti amin a siudadyo, isut' gapuna a naawanankayo idi iti kanen, ngem dikayo nagsubli kaniak.

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

Deuteronomio 28:38

“Uray no adunto a bukel ti itukityo, bassitto ti maapityo ta ibusento dagiti dudon.

Uk-ukom 12:8

Kalpasan ti ipapatay ni Jefte, simmublat ni Ibzan a taga-Betlehem a nangipangulo iti Israel.

Uk-ukom 17:7

Iti dayta met la a tiempo, adda agtutubo a lalaki a Levita nga agnaed iti Betlehem idiay Juda.

Uk-ukom 17:8

Pimmanaw iti Betlehem tapno agsapul iti pagyananna iti sabali a lugar. Bayat ti panagdaliasatna, nakadanon iti balay ni Mica iti katurturodan ti Efraim.