Paltiing 9:5 - Ti Baro a Naimbag a Damag Biblia

⁵ Saan a napalubosan dagiti dudon a pumatay kadagitoy a tattao, no di ket parigatenda laeng ida iti las-ud ti lima a bulan. Umasping ti ut-ot iti silud ti manggagama ti ut-ot ti panangparigatda.

Ti Biblia (1973)

⁵ Ket naibaga cadacuada a saanda a papatayen ida no di ket tutuokenda ida bayat ti lima a bulan; ket ti pannacatutuocda cas la iti tuoc a patauden idi ti manggagama no siludenna ti tao.

Paltiing 9:5 Iomraidhean Croise

2 Cronicas 10:11

No nadagsen dagiti impaawit kadakayo daydi amak, nadagdagsen pay ti ipaawitko. Sinaplitnakayo idi ngem ita, latikoenkayo!’”

2 Cronicas 10:14

kas imbalakad dagiti agtutubo kenkuana: “No nadagsen dagidi impaawit kadakayo daydi amak, nadagdagsen pay ti ipaawitko. Sinaplitnakayo idi ngem ita, latikoenkayo!”

Ti Libro ni Job 2:6

“Ala, wen, yawatko kenka ni Job,” kinuna ni Yahweh ken ni Satanas. “Aramidem ti kayatmo kenkuana, ngem saanmo a patpatayen.”

Ezekiel 2:6

“Ngem sika, anak ti tao, dika agbuteng kadakuada wenno iti aniaman nga ibagada. Kasdanto la siit iti aglawlawmo. Kaskanto la adda iti ayan dagiti manggagama. Uray kasta, dika agbuteng kadagita nasukir a tattao wenno iti aniaman nga ibagada.

Daniel 7:6

Bayat ti panagbuybuyak, adda sabali nga animal a nakitak. Kasla leopardo ti langana. Adda uppat a payak iti bukotna a kasla payak ti tumatayab. Uppat ti ulona. Kasla adda pannakabalinna.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 13:5

Napalubosan ti narungsot nga animal nga agsalawasaw, agsao iti maibusor iti Dios, ken agturay iti uneg ti 42 a bulan.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Paltiing 9:10

Adda ipus ken siludda a kas iti manggagama. Adda iti ipusda ti pannakabalin a mangparigat kadagiti tattao iti las-ud ti lima a bulan.

Paltiing 9:3

Manipud iti asuk, nagruar dagiti dudon ket nagdissoda iti daga. Naikkanda iti pannakabalin a mannilud a kas iti pannakabalin a naited kadagiti manggagama.