Paltiing 9:21 - Ti Baro a Naimbag a Damag Biblia

²¹ Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.

Ti Biblia (1973)

²¹ Ket saanda a nagbabawian dagiti panagpapatayda ti tao: uray dagiti an-anitoda, wenno ti pannakicamalalada, uray dagiti panagtactacawda.

Paltiing 9:21 Iomraidhean Croise

Isaias 47:12

“Itultuloymo latta ti panagsalamangka ken panaganitom; inaramatmo dagitoy manipud kinaubingmo. Nalabit a matulongandakanto, nalabit a makigtotmo dagiti kabusormo.

Isaias 47:9

Ngem iti apagkanito, iti maysa la nga aldaw, mapasamakto kenka dagitoy dua a banag. Uray aramidem amin a panagsalamangkam, matayto dagiti annakmo ket mabalokanto.

Isaias 57:3

Umaykayo ditoy tapno maukomkayo, dakayo a narugit a managbasol! Awan dumayo kadagiti agan-anito, mannakikamalala ken balangkantis a babbai.

Daniel 11:33

Dagiti tattao a masirib, ibingaydanto ti kinasiribda kadagiti dadduma. Ngem iti las-ud ti sumagmamano nga aldaw, addanto dagiti matay kadakuada iti gubat ken iti apuy. Matakawan ken maibaludto ti dadduma kadakuada.

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

San Mateo 15:19

Ta ti puso ti pagtaudan dagiti dakes a pampanunot a mangiturong kenkuana a pumatay, makikamalala, agderrep, agtakaw, agulbod ken mamadpadakes.

2 Taga-Corinto 12:21

Agamakak amangan no iti sumaruno a yaayko, pabainannakto ti Diosko iti sangoyo. Agamakak amangan no agsangitakto gapu kadagiti amin a nagbasol iti napalabas a di nagbabawi kadagiti narugit nga aramidda—dagiti basolda iti lasag ken kinaderrep.

Taga-Galacia 5:20

panagrukbab kadagiti didiosen, panagan-anito, panaggiginnura, panagaapa, panagiinnimon, panagpungpungtot, kinaagum,

Paltiing 13:13

Nagiparang kadagiti nakaskasdaaw a pagilasinan ti maikadua a narungsot nga animal. Iti imatang ti amin, pinagtinnagna ditoy daga ti apuy manipud langit.

Paltiing 13:15

Napalubosan ti maikadua a narungsot nga animal a mangted biag iti ladawan ti immuna, tapno makasao ti ladawan ken mabalinna a patayen dagiti amin a saan nga agdaydayaw kenkuana.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Paltiing 14:8

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”

Paltiing 16:6

Imparukpokda ti dara dagiti tattao ti Dios, Ken ti dara dagiti profeta, Isut' gapuna a pinainummo ida iti dara. Lak-amenda ti kaikarianda a dusa.”

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:4

Kolor ube ken nalabaga ti pagan-anay ti babai. Rumimatrimat dagiti alahasna a balitok, agkakapateg a bato ken perlas. Nakaiggem iti kopa a balitok a napno iti agkakaalas ken agkakarugit a banag a gapuanan ti kinaimmoralna.

Paltiing 17:5

Naisurat iti mugingna ti nagan nga adda nalimed a kaipapananna: “Ti Agdindinamag a Babilonia, ina dagiti dakes a babbai ken amin a kinaderrep ditoy lubong.”

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.