Paltiing 9:2 - Ti Baro a Naimbag a Damag Biblia

² Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.

Ti Biblia (1973)

² Ket linuctanna daydi abut a mangliwengliweng; ket rimmuar ti asuc idi abut, a cas la iti asuc ti maysa a dackel nga horno, ket nagsipnget ti init ken ti angin iti daga maipuon iti asuc daydi abut.

Paltiing 9:2 Iomraidhean Croise

Genesis 15:17

Idi nakalneken ti init ket nagsaknapen ti sipnget, pagammoan adda nagparang nga umas-asuk a banga ken sumsumged nga aluten a limmasat iti nagbaetan dagiti nagudua-gudua nga animal.

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Exodo 19:18

Nakumotan ti Bantay Sinai iti asuk gapu ta bimmaba sadiay ni Yahweh babaen iti apuy. Nagpangato ti asuk a kas iti asuk ti urno ket kasta unay ti panagkintayeg ti bantay.

Isaias 14:31

Agdung-awkayo ket umawagkayo iti tulong, dakay amin a siudad dagiti Filisteo! Agbutengkayo, dakayo amin! Adda umalipugpog a tapok nga aggapu iti amianan—maysa nga armada a pasig a natutured dagiti kamengna.

Daniel 3:6

No adda saan nga agpakleb ken di agdaydayaw, maitappuakto a dagus iti gumilgil-ayab nga urno.”

Joel 2:10

Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Joel 2:2

Nasipnget ken nalidemto dayta nga aldaw, aldaw a nalulem ken naulep. Sumungad ti dakkel a pangen ti dudon, kas iti sipnget nga agsaknap kadagiti bantay. Awan pay napasamak a kas iti daytoy, ket awanton ti kasta a mapasamak iti masakbayan.

Joel 2:30

“Iti dayta nga aldaw, agipakitaakto kadagiti ballaag iti tangatang ken ditoy daga. Addanto pannakaibuyat ti dara, addanto apuy ken asimbuyok.

Dagiti Aramid 2:19

Agipakitaakto kadagiti pagsidsiddaawan sadi langit, Ken milagro ditoy daga. Addanto dara, apuy, ken napuskol nga asuk.

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 16:10

Imbuyat met ti maikalima nga anghel ti malukongna iti trono ti narungsot nga animal. Nagsipnget ti entero a pagarian ti animal. Kinagat dagiti tattao dagiti bibigda gapu iti rigat.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

Paltiing 9:11

Adda arida a mangituray kadakuada, ket isu ti anghel a mangbambantay iti nakaun-uneg a yuyeng. Abaddon ti naganna iti Hebreo, ket Apolion met iti Griego (kayatna a sawen, “Ti Mangdadael”).

Paltiing 9:17

Ket nakitak iti parmatak dagiti kabalio ken dagiti nakasakay a nakakabal iti kasla kolor ti apuy, asul a kasla kolor ti safiro ken amarillo a kasla kolor ti asufre. Kasla ulo ti leon ti ulo dagiti kabalio. Agipugpugsoda iti apuy, asuk ken asufre.