Paltiing 9:13 - Ti Baro a Naimbag a Damag Biblia

¹³ Pinuyot ti maikanem nga anghel ti trumpetana. Nakangngegak iti timek a naggapu kadagiti suli ti altar a balitok iti sangoanan ti Dios.

Ti Biblia (1973)

¹³ Ket daydi maicanem nga angel nagtangguyob: ket nangngegco ti maysa a timec a naggapu cadagidi sarsara ti altar a balitoc, nga adda iti sangoanan ti Dios.

Paltiing 9:13 Iomraidhean Croise

Exodo 30:10

Maminsan iti tunggal tawen nga aramiden ni Aaron ti seremonia ti pannakadalus ti altar: kadagiti sinan-sara ipulagidna ti dara ti animal a maidaton gapu iti basol. Masapul a maaramid daytoy iti tinawen iti amin a tiempo. Masapul a naan-anay a sagrado daytoy nga altar a naidaton kaniak, ni Yahweh.”

Hebreo 10:21

Maysa pay, adda naindaklan a paditayo nga agay-aywan iti balay ti Dios.

Hebreo 9:24

Ta saan a simrek ni Cristo iti Nasantoan a Disso nga aramid ti tao ken ladawan laeng ti napaypayso a disso. Simrek ketdi sadi langit a yanna ita iti sangoanan ti Dios gapu kadatayo.

Paltiing 8:2

Kalpasanna, nakitak a naikkan iti trumpeta ti tunggal maysa kadagiti pito nga angheles a nakatakder iti sangoanan ti Dios.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.