Paltiing 8:7 - Ti Baro a Naimbag a Damag Biblia

⁷ Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.

Ti Biblia (1973)

⁷ Ket daydi immuna nagtangguyob; ket timmaud ti uraro ken apuy a nalaocan iti dara; ket naibellengda iti rabaw ti daga; ket daydi apagcatlo ti daga napuuran, ket daydi apagcatlo dagidi caycayo napuuran, ket amin dagiti nalangto a root napuuranda.

Paltiing 8:7 Iomraidhean Croise

Dagiti Salmo 105:32

Saan a tudo no di ket yelo ti inyegna, ken agkanabsiit a kimat ti imbaonna.

Exodo 9:33

Pinanawan ni Moises ti ari. Rimmuar iti siudad ket intayagna dagiti imana a nagkararag iti Apo. Simmardeng ti gurruod ken tudo ket awanen ti nagtinnag a yelo.

Isaias 28:2

Adda nabileg ken mannakabalin nga isagsagana ti Apo a mangdarup kadakuada. Umayto a kas kadagiti agtinnag a yelo, kas iti bumayakabak a tudo, kas iti napegges ken nadawel a layus a manglapunos iti daga.

Isaias 29:6

nga ispalenkayo. Aramatekto dagiti nadawel nga allawig ken ginggined. Mangyegakto iti napipigsa nga angin ken gumilgil-ayab nga apuy.

Isaias 30:30

Ipangngegto ti Apo ti nadayag a timekna iti amin a tao ket ipariknananto ti bileg ti pungtotna. Addanto apuy, bumayakabak a tudo ken yelo.

Isaias 32:19

Ngem agtudonto iti yelo kadagiti kabakiran ket marakrakto ti siudad.)

Ezekiel 38:22

Dusaekto babaen iti angol ken gubat. Idissuorkonto kenkuana ti bumayakabak a tudo, uraro, apuy ken asufre, kasta met iti armadana ken iti adu a nasion a kakaduana.

Joel 2:30

“Iti dayta nga aldaw, agipakitaakto kadagiti ballaag iti tangatang ken ditoy daga. Addanto pannakaibuyat ti dara, addanto apuy ken asimbuyok.

Santiago 1:11

No nakangaton ti init, malanet ti mula iti makasinit a darang. Malaylay ti mula, maregreg ti sabongna, ket madadael metten ti pintasna. Kasta met ti pannakadadael ti nabaknang bayat ti panangas-asikasona kadagiti aramidna.

Josue 10:11

Idi itartarayan dagiti Amorreo ti armada ti Israel iti Bessang, pinagtudo ni Yahweh iti yelo agingga idiay Azeka. Adu ti natay nga Amorreo. Ad-adu kadakuada ti natay iti yelo ngem ti pinapatay dagiti Israelita.

1 Pedro 1:24

Kas kuna ti Nasantoan a Surat: “Kasla ruot dagiti amin a tattao Ket mayarig kadagiti sabong ti dayagda, Magango ti ruot, ket maregreg ti sabongna

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 16:2

Napan imbuyat ti umuna nga anghel ti linaon ti malukongna iti daga. Gapu iti daytoy, nagtaud dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.

Paltiing 16:21

Manipud langit, nagtudo iti dadakkel nga yelo—aglimapulo a kilo ti dagsen ti tunggal maysa—ket natupakan dagiti tattao. Inlunod dagiti tattao ti Dios gapu iti daytoy a didigra, ta nakabutbuteng unay.

Paltiing 6:8

Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.

Paltiing 7:1

Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.

Paltiing 9:15

Naruk-atan dagiti uppat nga angheles. Naisaganada a mangpatay iti apagkatlo a bilang ti amin a tattao iti daytoy met la nga oras, aldaw, bulan ken tawen.

Paltiing 9:18

Natay ti apagkatlo dagiti amin a tattao babaen kadagitoy a didigra: ti apuy, ti asuk ken ti asufre nga aggapu iti ngiwat dagiti kabalio.

Paltiing 9:4

Nabilinda a dida dadaelen dagiti ruot wenno dagiti kayo wenno uray ania a mula. Dagiti laeng tattao nga awan marka ti timbre ti Dios iti mugingda ti ranggasanda.